വയനാട്: മുട്ടില്‍ കൊളവയലിന് സമീപം കാറുകള്‍ തമ്മില്‍ കൂട്ടിയിടിച്ച് കാര്‍ യാത്രികയായ നാല് വയസുകാരി മരിച്ചു. മുണ്ടേരിയിലെ സ്‌കൂള്‍ അധ്യാപകനായ സജിയുടേയും പിണങ്ങോട് സ്‌കൂള്‍ അധ്യാപിക പ്രിന്‍സിയുടെയും മകളായ നയന എന്ന ഐലിന്‍ തെരേസ സജിയാണ് മരിച്ചത്.
ഇന്നലെ(25.08.2022) വൈകിട്ട് അഞ്ച് മണിയോടെയായിരുന്നു അപകടം. വാഹനങ്ങൾ തമ്മിൽ കൂട്ടിയിടിച്ചതിനെ തുടർന്ന് നയന കാറിന് പുറത്തേക്ക് തെറിച്ച് വീഴുകയായിരുന്നു. ഗുരുതരമായി പരിക്കേറ്റ നയനയെ ഉടൻ തന്നെ കല്‍പ്പറ്റ ജനറല്‍ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു.
കല്‍പ്പറ്റ ഡി പോള്‍ സ്‌കൂളിൽ എല്‍.കെ.ജി വിദ്യാര്‍ഥിനിയാണ് നയന.
