ആലപ്പുഴ: രാഹുൽ ഗാന്ധി എം.പിയുടെ വയനാട്ടിലെ ഓഫിസ് ആക്രമണം പൊലീസ് സംരക്ഷണയിലാണ് നടന്നതെന്ന് എ.ഐ.സി.സി ജനറൽ സെക്രട്ടറി കെ.സി വേണുഗോപാൽ എംപി. സാധാരണ ഒരു എംഎൽഎയുടെ ഓഫിസിലേക്ക് മാർച്ച് നടത്താൻ പോലും പൊലീസ് സമ്മതിക്കാറില്ല. ഇതിപ്പോൾ നേരത്തെ പൊലീസിന് വിവരം ലഭിച്ചിട്ട് പോലും അത് തടയാൻ ശ്രമിച്ചില്ലെന്നും വേണുഗോപാൽ ആരോപിച്ചു.
ആക്രമണം പൊലീസ് സംരക്ഷണയിൽ; വയനാട്ടിലേത് മോദിയെ സന്തോഷിപ്പിക്കാനുള്ള ആക്രമമെന്ന് കെ.സി വേണുഗോപാൽ
എസ്.പി - ഡി.വൈ.എസ്.പി തലത്തിലുള്ള ഉദ്യോഗസ്ഥരെ വിവരം അറിയിച്ചിട്ടും, ഡി.വൈ.എസ്.പി ഉൾപ്പെടെ സ്ഥലത്ത് ഉണ്ടായിരുന്നിട്ട് പോലും പൊലീസ് അതിക്രമത്തെ തടയാൻ ശ്രമിച്ചില്ല. ഇതിൽ നിന്ന് തന്നെ പൊലീസ് സംരക്ഷണയിലാണ് ഈ അക്രമം നടന്നതെന്ന് വ്യക്തമാണെന്നും കെ.സി വേണുഗോപാൽ കുറ്റപ്പെടുത്തി.
