മുംബൈ: റിപ്പോ നിരക്ക് 5.15 ശതമാനത്തിൽ മാറ്റമില്ലാതെ നിലനിർത്താൻ റിസർവ് ബാങ്ക് 2019- 20 ലെ ആറാമത്തെ ദ്വിമാസ ധനനയ യോഗത്തിൽ തീരുമാനിച്ചു. റിവേഴ്‌സ്‌ റിപ്പോ നിരക്ക് 4.90 ശതമാനമായും ബാങ്ക് റേറ്റ് 5.40 ആയി തുടരും.
അടിയന്തരസാഹചര്യങ്ങളിൽ ബാങ്കുകൾക്ക് റിപ്പോ നിരക്കിനെക്കാൾ ഉയർന്ന പലിശയിൽ ആർ.ബി.ഐ.യിൽനിന്ന്‌ ഹ്രസ്വകാല അടിസ്ഥാനത്തിൽ വായ്‌പ നൽകുന്ന സംവിധാനമായ മാർജിനൽ സ്‌റ്റാൻഡിങ് ഫെസിലിറ്റി നിരക്ക് 5.4 ശതമാനമാണ്. ഈ സാമ്പത്തിക വർഷത്തെ അവസാനത്തെ എംപിസി യോഗമാണിത്. മോണിറ്ററി പോളിസി കമ്മിറ്റിയിലെ ആറ് അംഗങ്ങളും നിലവിലെ നിരക്കുകൾ മാറ്റേണ്ടതില്ലെന്ന് തീരുമാനത്തെ അനുകൂലിച്ചു.
