വളാഞ്ചേരിയിൽ പന്ത്രണ്ടര വയസുകാരിയെ പീഡിപ്പിച്ച കേസ്: പ്രതി അറസ്റ്റിൽ

പെൺകുട്ടിയെ പ്രതി വീട്ടിലേക്ക് വിളിച്ചു വരുത്തി ലൈംഗിക പീഡനത്തിനിരയാക്കുകയായിരുന്നു.

മലപ്പുറം: വളാഞ്ചേരിയിൽ പന്ത്രണ്ടര വയസുകാരിയെ ലൈംഗികമായി പീഡിപ്പിച്ച കേസിൽ യുവാവ് പൊലീസ് പിടിയിലായി. കാട്ടിപ്പരുത്തി ഇല്ലത്ത് പടി നിഷാന്തിനെയാണ് (28) വളാഞ്ചേരി എസ്എച്ച്ഒ എസ്പി സുധീരൻ അറസ്റ്റ് ചെയ്തത്. പെൺകുട്ടിയെ പ്രതി വീട്ടിലേക്ക് വിളിച്ചു വരുത്തി ലൈംഗിക പീഡനത്തിനിരയാക്കുകയായിരുന്നു.

പെൺകുട്ടിയുടെ ബന്ധുക്കളുടെ പരാതിയിൽ നടത്തിയ അന്വേഷണത്തിലാണ് പ്രതി പിടിയിലായത്. പോക്സോ നിയമപ്രകാരമാണ് പ്രതിക്കെതിരെ കേസെടുത്തിട്ടുള്ളത്. തിരൂർ കോടതിയിൽ ഹാജരാക്കിയ പ്രതിയെ കോടതി റിമാന്‍റ് ചെയ്തു.