മലപ്പുറം: മുസ്‌ലിം പള്ളിയില്‍ പ്രാര്‍ഥന നടത്താന്‍ സ്ത്രീകളെ അനുവദിക്കണമെന്ന് ആവശ്യപ്പെട്ടുകൊണ്ടുള്ള ഹര്‍ജിക്കെതിരെ ഇ കെ സുന്നി വിഭാഗം രംഗത്ത്. വിശ്വാസ സ്വാതന്ത്ര്യത്തില്‍ കോടതി ഇടപ്പെടുന്നതിനെ അംഗീകരിക്കുന്നില്ലെന്ന് സമസ്ത ജനറല്‍ സെക്രട്ടറി ആലികുട്ടി മുസ്ലിയാര് പറഞ്ഞു. ശബരിമല പ്രശ്‌നത്തിലടക്കം മതനേതാക്കള്‍ പറയുന്നത് കേള്‍ക്കണമെന്നും മുസ്‌ലിം സ്ത്രീകള്‍ സ്വന്തം വീട്ടിലാണ് പ്രാര്‍ഥിക്കേണ്ടതെന്നും അദ്ദേഹം പറഞ്ഞു.
വിശ്വാസത്തില്‍ കോടതി ഇടപെടേണ്ടെന്ന് ഇ കെ സുന്നി വിഭാഗം
സുപ്രീംകോടതിയില്‍ നിന്ന് വിശ്വാസത്തിന് അനുകൂലമായ വിധിയുണ്ടാവുമെന്നാണ് പ്രതീക്ഷ. ബ്രിട്ടീഷ് കാലം മുതല്‍ക്കേ വ്യക്തിനിയമങ്ങള്‍ അംഗീകരിക്കപ്പെട്ടിട്ടുണ്ട്. ഹിന്ദുവായാലും ക്രിസ്ത്യാനി ആയാലും മുസ്ലിമായാലും വിശ്വാസപരമായ കാര്യങ്ങള്‍ ആചരിക്കാന്‍ അനുമതി വേണമെന്നും ആലികുട്ടി മുസ്ലിയാര് പറഞ്ഞു.
