കൊച്ചി: തെരഞ്ഞെടുപ്പ് സുരക്ഷക്ക് എത്തിയ സിഐഎസ്എഫ് ഉദ്യോഗസ്ഥർ മടങ്ങി. എറണാകുളം, ചാലക്കുടി മണ്ഡലങ്ങളുടെ സ്ട്രോങ് റൂമുകൾക്ക് കാവൽ ഒരുക്കിയ കേന്ദ്ര വ്യവസായ സംരക്ഷണ സേനയാണ് തെരഞ്ഞെടുപ്പ് ഡ്യൂട്ടിക്ക് ശേഷം മടങ്ങിയത്. ജില്ലാഭരണകൂടം ഉദ്യോഗസ്ഥർക്ക് യാത്രയയപ്പ് നൽകി.
കുസാറ്റിൽ നടന്ന യാത്രയയപ്പ് ചടങ്ങിൽ ജില്ലാ കലക്ടർ മുഹമ്മദ് വൈ സഫറുള്ള സേനാംഗങ്ങൾക്ക് നന്ദി പറഞ്ഞു. ശ്രീഹരിക്കോട്ടയിലെ 92 സിഐഎസ്എഫ് സുരക്ഷാ ഉദ്യോഗസ്ഥരാണ് അസിസ്റ്റന്റ് കമാൻഡർ പി എസ് റാവുവിന്റെ മേൽനോട്ടത്തിൽ ജില്ലയിൽ സേവനമനുഷ്ഠിച്ചത്. എറണാകുളം ലോക്സഭാ മണ്ഡലത്തിന്റെ വോട്ടെണ്ണൽ കേന്ദ്രമായ കുസാറ്റിലും ചാലക്കുടിയിലെ കളമശ്ശേരി ഗവൺമെന്‍റ് പോളിടെക്നിക് കോളജിലുമായിട്ടാണ് ഇവര്‍ക്ക് സുരക്ഷാ ചുമതല ഉണ്ടായിരുന്നത്.
