തിരുവനന്തപുരം: പരിസ്ഥിതി ദിനത്തിൽ സെക്രട്ടറിയേറ്റിന് മുന്നിലെ ആൽമരത്തിന് ആദരവുമായി ദേശീയ ബാലതരംഗം. ദീപങ്ങൾ തെളിയിച്ചും പുഷ്പാർച്ചന നടത്തിയുമാണ് നൂറുവർഷത്തോളം പ്രായമുള്ള മരമുത്തശ്ശിയെ കുട്ടികള്‍ ആദരിച്ചത്. കൃഷിവകുപ്പ് മന്ത്രി വി എസ് സുനിൽകുമാർ പരിപാടി ഉദ്ഘാടനം ചെയ്തു. മന്ത്രി 'എനിക്കൊപ്പം ഒരു മരം' പ്രതിജ്ഞ കുട്ടികൾക്ക് ചൊല്ലിക്കൊടുത്തു. നിപ വൈറസിനെതിരെയുള്ള ബോധവൽക്കരണവും പരിപാടിയോടനുബന്ധിച്ച് സംഘടിപ്പിച്ചു. ദേശീയ ബാലതരംഗം ചെയർമാൻ ശരത്ചന്ദ്രപ്രസാദ്, പ്രസിഡന്‍റ് കുമാരി ശലഭ തുടങ്ങിയവർ ചടങ്ങിൽ പങ്കെടുത്തു.
പരിസ്ഥിതിദിനം ആഘോഷിച്ച് ബാലതരംഗം
