ധാർവാഡ് (കർണാടക): കർണാടകയിലെ ഹിജാബ് വിവാദം അന്താരാഷ്‌ട്രതലത്തിൽ ചർച്ചയാകുന്നതിനിടെ വിചിത്ര പരാമർശവുമായി കോൺഗ്രസ് നേതാവ് സമീർ അഹമ്മദ്. ഇസ്‌ലാമിക വിശ്വാസത്തിൽ ഹിജാബ് എന്നാൽ പർദ എന്നാണ് അർഥമെന്നും ഹിജാബ് ധരിക്കാത്തതിനെ തുടർന്നാണ് സ്‌ത്രീകൾ പീഡിപ്പിക്കപ്പെടുന്നതെന്നും സമീർ അഹമ്മദ് പറഞ്ഞു.
പെൺകുട്ടികൾ വളരുമ്പോൾ അവരുടെ സൗന്ദര്യം മറക്കാനായി മുഖം മൂടണം. ലോകത്ത് തന്നെ പീഡനക്കേസുകൾ കൂടുതലായി റിപ്പോർട്ട് ചെയ്യുന്ന രാജ്യമാണ് ഇന്ത്യയെന്നും മുഖം മറക്കാത്തതിനെ തുടർന്നാണ് ഇങ്ങനെ സംഭവിക്കുന്നതെന്നും അദ്ദേഹം പറഞ്ഞു. ഹിജാബ് ധരിക്കുന്നത് നിർബന്ധമുള്ളതല്ലെന്നും വർഷങ്ങളായി തുടരുന്ന ആചാരണമാണിതെന്നും അദ്ദേഹം മാധ്യമപ്രവർത്തകരോട് പറഞ്ഞു.
