ലഖ്‌നൗ: ഉത്തർപ്രദേശിൽ കഴിഞ്ഞ 24 മണിക്കൂറിനിടെ 2,318 പുതിയ കൊവിഡ് കേസുകള്‍ റിപ്പോർട്ട് ചെയ്‌തു. ഇതോടെ സംസ്ഥാനത്തെ ആകെ രോഗ ബാധിതരുടെ എണ്ണം 5,33,355 ആയി ഉയർന്നു. 29 മരണങ്ങൾ കൂടി കൊവിഡ് മൂലമാണെന്ന് സ്ഥിരീകരിച്ചു. ഇതിൽ അഞ്ച് മരണവും ലഖ്‌നൗവിൽ നിന്നാണ്. ഇതോടെ ആകെ കൊവിഡ് മരണസംഖ്യ 7,644 ആയി. നിലവിൽ 24,876 രോഗികളാണ് സംസ്ഥാനത്ത് ചികിത്സയിൽ കഴിയുന്നത്. ഇതിൽ 11,718 പേരും വീടുകളിലാണ്. അതേസമയം 5,00,835 പേർ രോഗമുക്തി നേടി.
ലഖ്‌നൗവിൽ 325 രോഗികളും മീററ്റിൽ 242ഉം ഗൗതം ബുദ്ധനഗറിൽ 223ഉം ഖാസിയാബാദിൽ 179ഉം പേരാണ് കഴിഞ്ഞ 24 മണിക്കൂറിനിടെ കൊവിഡ് ബാധിതരായത്. ചൊവ്വാഴ്‌ച 1.78 ലക്ഷത്തിലധികം പരിശോധനകളാണ് സംസ്ഥാനത്ത് നടത്തിയത്. ഇതോടെ ഉത്തർപ്രദേശിൽ നടത്തിയ ആകെ കൊവിഡ് പരിശോധനകൾ 1.84 കോടി കവിഞ്ഞു.
