ഡെറാഡൂൺ: രാംനഗർ കോർബറ്റിലെ ധൻഗർഹി അഴുക്കുചാലിൽ സംരക്ഷണഭിത്തി നിർമിക്കവെ ദ്വീപിൽ കുടുങ്ങിയ തൊഴിലാളികളെ രക്ഷപെടുത്തി ജിം കോർബറ്റ് നാഷണൽ പാർക്കിലെ ജീവനക്കാർ. അഞ്ച് തൊഴിലാളികൾക്കൊപ്പം രണ്ട് വനംവകുപ്പ് ജീവനക്കാരും ദ്വീപിൽ കുടുങ്ങിയിരുന്നു.
കനത്ത മഴയെ തുടർന്ന് അഴുക്കുചാൽ കരകവിഞ്ഞ് ഒഴുകിയതിനെ തുടർന്നാണ് സർഫദുലിയെയും ദികലയെയും ബന്ധിപ്പിക്കുന്ന റോഡിൽ സംരക്ഷണഭിത്തി നിർമിക്കുകയായിരുന്ന തൊഴിലാളികൾ ദ്വീപിൽ കുടുങ്ങിയത്. തൊഴിലാളികൾ സഹായം അഭ്യർഥിച്ച് നിലവിളിക്കുന്നത് കേട്ട കോർബറ്റ് ടൈഗർ റിസർവിൽ ജോലിചെയ്യുന്ന വനപാലകർ സ്ഥലത്തെത്തി ഇവരെ രക്ഷപെടുത്തുകയായിരുന്നു.
രാംനഗർ ദേശിയപാത 309ൽ കൂമയൂണിനെയും ഗർവാളിനെയും തമ്മിൽ ബന്ധിപ്പിക്കുന്ന ധൻഗർഹി അഴുക്കുചാലിന് മുകളിലൂടെയുള്ള മേൽപ്പാലത്തിന്‍റെ പണി പുരോഗമിക്കുകയാണ്.
Also Read: വാക്‌സിൻ എടുത്തവർക്ക് കൊവിഡ് മരണത്തിനുള്ള സാധ്യത കുറവ്; വീണ ജോർജ്
