നെല്ലൂര്‍(ആന്ധ്രപ്രദേശ്) : ആദായ നികുതി വകുപ്പ് ഉദ്യോഗസ്ഥരാണെന്ന് കടയുടമയെ തെറ്റിദ്ധരിപ്പിച്ച് ജ്വല്ലറിയില്‍ മോഷണശ്രമം നടത്തിയ ആറംഗ സംഘം പിടിയില്‍. ആന്ധ്രപ്രദേശിലെ നെല്ലൂരിലെ ലാവണ്യ ജ്വല്ലറിയിലാണ് സംഭവം. ഉദ്യോഗസ്ഥരാണെന്ന് ധരിപ്പിച്ച് ഇവര്‍ കടയുടമയെ ഭയപ്പെടുത്തി സ്വര്‍ണം തട്ടാനായിരുന്നു ശ്രമം.
ആദായ നികുതി വകുപ്പ് ഉദ്യോഗസ്ഥരെന്ന വ്യാജേനയെത്തി ജ്വല്ലറിയില്‍ മോഷണത്തിന് ശ്രമം ; ആറംഗ സംഘം പിടിയില്‍
12 കിലോ സ്വര്‍ണം മോഷ്‌ടിക്കാനായിരുന്നു ഇവര്‍ ശ്രമം നടത്തിയത്. സംശയം തോന്നിയ കടയുടമ പൊലീസില്‍ വിവരമറിയിച്ചു. ഇതോടെ സ്വര്‍ണവുമായി കടന്നുകളയാനായി ഇവരുടെ ശ്രമം.തുടര്‍ന്ന് സമീപത്തുണ്ടായിരുന്നവര്‍ ചേര്‍ന്ന് ഇവരെ പിടികൂടി.ജ്വല്ലറി ഉടമയുടെ പരാതിയില്‍ ഇവര്‍ക്കെതിരെ കേസെടുത്ത് റിമാന്‍ഡ് ചെയ്തു.
