ജയ്‌പൂര്‍: പ്രധാനമന്ത്രി നരേന്ദ്ര മോദിക്കും ബിജെപി സര്‍ക്കാറിനും എതിരെ ആഞ്ഞടിച്ച് കോണ്‍ഗ്രസ് നേതാവ് രാഹുല്‍ ഗാന്ധി (Rahul Gandhi Criticized PM Modi And BJP).പ്രധാനമന്ത്രി ജനങ്ങളുടെ ശ്രദ്ധ തിരിക്കുമ്പോള്‍ അദാനി പോക്കറ്റ് അടിക്കുകയും അമിത്‌ ഷാ ലാത്തി വീശുകയും ചെയ്യുന്നു. നിയമസഭ തെരഞ്ഞെടുപ്പിന് മുന്നോടിയായി രാജസ്ഥാനില്‍ ജനങ്ങളെ അഭിസംബോധന ചെയ്‌ത് സംസാരിക്കുകയായിരുന്നു രാഹുല്‍ ഗാന്ധി.
തീരുമാനം നിങ്ങളുടേത്: സംസ്ഥാനത്ത് ഏത് സര്‍ക്കാര്‍ വേണമെന്ന് നിങ്ങള്‍ക്ക് തീരുമാനിക്കാം. രാജസ്ഥാനില്‍ നിങ്ങള്‍ക്ക് ബിജെപിയുടെയും അദാനിയുടെയും സര്‍ക്കാരാണോ വേണ്ടത് അതോ കര്‍ഷകര്‍ക്കും തൊഴിലാളികള്‍ക്കും ചെറുകിട കച്ചവടക്കാര്‍ക്കും ഒപ്പം നില്‍ക്കുന്ന സര്‍ക്കാരാണോ വേണ്ടത് എന്നും രാഹുല്‍ ഗാന്ധി ചോദിച്ചു. ബിജെപി സര്‍ക്കാരിനെ തെരഞ്ഞെടുത്താല്‍ നിങ്ങള്‍ക്ക് ആരോഗ്യ രംഗത്ത് മികച്ച സേവനങ്ങള്‍ ലഭിക്കില്ല. 500 രൂപയ്‌ക്ക് എല്‍പിജി സിലിണ്ടര്‍ ലഭിക്കില്ല. സ്‌ത്രീകളുടെ അക്കൗണ്ടിലേക്ക് പണം ലഭിക്കില്ലെന്നും രാഹുല്‍ ഗാന്ധി പറഞ്ഞു.
സംസ്ഥാനത്ത് നിലവില്‍ ഒരാള്‍ക്ക് 25 ലക്ഷം രൂപയുടെ സൗജന്യം ചികിത്സ സഹായമാണ് ലഭിക്കുന്നത്. എന്നാല്‍ തെരഞ്ഞെടുപ്പ് കഴിഞ്ഞ് തങ്ങള്‍ ഭരണത്തിലേറുകയാണെങ്കില്‍ 25 ലക്ഷം എന്നതില്‍ നിന്നും 50 ലക്ഷമായി ചികിത്സ ധനസഹായം ഉയര്‍ത്തുമെന്നും എംപി പറഞ്ഞു. കൂടാതെ 500 രൂപയ്‌ക്ക് എല്‍പിജി സിലിണ്ടര്‍ നല്‍കും. തങ്ങളുടെ എല്ലാ പ്രവര്‍ത്തനങ്ങളും രാജ്യത്തെ സാധാരണക്കാരായ ജനങ്ങള്‍ക്ക് വേണ്ടിയാണ്. എന്നാല്‍ മോദി സര്‍ക്കാരിന്‍റെ പ്രവര്‍ത്തനങ്ങളെല്ലാം വ്യവസായികള്‍ക്ക് വേണ്ടി മാത്രമാണെന്നും അദ്ദേഹം കുറ്റപ്പെടുത്തി.
-
आपको निर्णय लेना है...
— Rajasthan PCC (@INCRajasthan) November 22, 2023 " class="align-text-top noRightClick twitterSection" data="
आप राजस्थान में BJP और अडानी की सरकार चाहते हैं या किसानों, मजदूरों, छोटे दुकानदारों की सरकार चाहते हैं।
अगर आपने BJP की सरकार चुनी तो-
न स्वास्थ्य सुविधाएं मिलेंगी, न 500 रुपये में रसोई गैस सिलेंडर मिलेगा, न महिलाओं के खाते में पैसे आएंगे, न कैनाल… pic.twitter.com/prxjPtfn1K
">आपको निर्णय लेना है...
— Rajasthan PCC (@INCRajasthan) November 22, 2023
आप राजस्थान में BJP और अडानी की सरकार चाहते हैं या किसानों, मजदूरों, छोटे दुकानदारों की सरकार चाहते हैं।
अगर आपने BJP की सरकार चुनी तो-
न स्वास्थ्य सुविधाएं मिलेंगी, न 500 रुपये में रसोई गैस सिलेंडर मिलेगा, न महिलाओं के खाते में पैसे आएंगे, न कैनाल… pic.twitter.com/prxjPtfn1Kआपको निर्णय लेना है...
— Rajasthan PCC (@INCRajasthan) November 22, 2023
आप राजस्थान में BJP और अडानी की सरकार चाहते हैं या किसानों, मजदूरों, छोटे दुकानदारों की सरकार चाहते हैं।
अगर आपने BJP की सरकार चुनी तो-
न स्वास्थ्य सुविधाएं मिलेंगी, न 500 रुपये में रसोई गैस सिलेंडर मिलेगा, न महिलाओं के खाते में पैसे आएंगे, न कैनाल… pic.twitter.com/prxjPtfn1K
ജാതി സെന്‍സസിനെ കുറിച്ചും പ്രതികരണം: ഇന്ത്യയിലെ ജാതി സെന്‍സസിനെ കുറിച്ചും രാഹുല്‍ ഗാന്ധി സംസാരിച്ചു. രാജ്യത്ത് എത്ര പിന്നോക്ക ജാതിക്കാരുണ്ടെന്ന് ആര്‍ക്കും അറിയില്ലെന്ന് ചൂണ്ടിക്കാട്ടിയ എംപി മോദി സര്‍ക്കാറിനെ വിമര്‍ശിച്ചു. 2024 ലോക്‌സഭ തെരഞ്ഞെടുപ്പ് വരാനിരിക്കെ ബിജെപി സര്‍ക്കാരിനും പ്രധാനമന്ത്രി നരേന്ദ്ര മോദിക്കും എതിരെ രാഹുല്‍ ഗാന്ധി ആഞ്ഞടിക്കുകയാണ്.
പ്രധാനമന്ത്രി അപശകുനമെന്ന് രാഹുല്‍ ഗാന്ധി: കഴിഞ്ഞ ദിവസം ഇന്ത്യ ലോകകപ്പില്‍ തോല്‍ക്കാന്‍ കാരണം പ്രധാനമന്ത്രി നരേന്ദ്ര മോദിയാണെന്ന് കോണ്‍ഗ്രസ് നേതാവ് രാഹുല്‍ ഗാന്ധി കുറ്റപ്പെടുത്തിയിരുന്നു. പ്രധാനമന്ത്രിക്കെതിരെ ആഞ്ഞടിച്ച രാഹുല്‍ അദ്ദേഹത്തെ അപശകുനം എന്നാണ് വിശേഷിപ്പിച്ചത്. നേരത്തെ ഉണ്ടായ മുഴുവന്‍ കളികളിലും തോല്‍ക്കാതെ ഫൈനലില്‍ എത്തിയതായിരുന്നു ഇന്ത്യന്‍ ടീം. എന്നാല്‍ ഫൈനല്‍ കാണാന്‍ അപശകുനം എത്തിയതോടെ ഇന്ത്യ തോറ്റുവെന്നും രാഹുല്‍ ഗാന്ധി കുറ്റപ്പെടുത്തി. ഇന്ത്യ ടീം തോറ്റത് പ്രധാനമന്ത്രിയുടെ സാന്നിധ്യം കൊണ്ടാണെന്നും എംപി പറഞ്ഞു. എന്നാല്‍ ഇതിനെതിരെ ബിജെപിയും തിരിച്ചടിച്ചിരുന്നു. രാഹുല്‍ ഗാന്ധിയാണ് കോണ്‍ഗ്രസിന്‍റെ അപശകുനമെന്നാണ് ബിജെപി മറുപടി നല്‍കിയത്.
