ന്യൂഡൽഹി: തുടർച്ചയായ പന്ത്രണ്ടാം ദിവസവും ഇന്ധനവിലയിൽ വർധനവ്. പെട്രോൾ ലിറ്ററിന് 31 പൈസയും ഡീസൽ ലിറ്ററിന് 34 പൈസയുമാണ് കൂടിയത്. തിരുവനന്തപുരത്ത് 91.76 രൂപയാണ് ഇന്നത്തെ പെട്രോൾ വില. ഡീസലിന് 86.67 രൂപയായി. പാറശ്ശാലയിൽ പെട്രോൾ വില 92.27 ആയി. കൊച്ചിയിൽ 85 രൂപയാണ് ഡീസൽ വില. കോഴിക്കോട് 90.34 ആണ് പെട്രോൾ വില.
തിരുവനന്തപുരത്ത് ഇന്നലെ 91.76 രൂപയായിരുന്നു ഒരു ലിറ്റർ പെട്രോളിന്‍റെ വില. ഡീസലിന് 86.27 രൂപയും. കൊച്ചിയിൽ ഒരു ലിറ്റർ പെട്രോളിന് ഇന്നലെ 90.04 രൂപയും ഡീസലിന് 86.27 രൂപയുമാണ് ഉണ്ടായിരുന്നത്.
പെട്രോൾ ലിറ്ററിന് 34 പൈസയും ഡീസലിന് 33 പൈസയുമാണ് ഇന്നലെ കൂടിയത്. വരും ദിവസങ്ങളിലും ഇന്ധനവില ഉയരാനാണ് സാധ്യത.
