ന്യൂഡല്‍ഹി: ആം ആദ്‌മി പാര്‍ട്ടി നേതാവ് മനീഷ് സിസോദിയയെ അറസ്‌റ്റ് ചെയ്‌ത നടപടിയില്‍ പ്രതിഷേധമറിയിച്ച് പ്രധാനമന്ത്രി നരേന്ദ്ര മോദിക്ക് കത്തയച്ച് പ്രതിപക്ഷ നേതാക്കള്‍. ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍, പഞ്ചാബ് മുഖ്യമന്ത്രി ഭഗ്‌വന്ത് സിങ് മന്‍, പശ്ചിമ ബംഗാള്‍ മുഖ്യമന്ത്രി മമത ബാനര്‍ജി, തെലങ്കാന മുഖ്യമന്ത്രി കെ.ചന്ദ്രശേഖര്‍ റാവു, എന്‍സിപി നേതാവ് ശരദ് പവാര്‍, ശിവസേന നേതാവ് ഉദ്ധവ് താക്കറെ, സമാജ്‌വാദി പാര്‍ട്ടി നേതാവ് അഖിലേഷ് യാദവ്, ആര്‍ജെഡി നേതാവും ബിഹാര്‍ ഉപമുഖ്യമന്ത്രിയുമായ തേജസ്വി യാദവ്, ജമ്മു കശ്‌മീര്‍ നാഷണല്‍ കോണ്‍ഫറന്‍സ് നേതാവ് ഫറൂഖ് അബ്‌ദുള്ള ഉള്‍പ്പടെയുള്ള ഒമ്പത് പ്രതിപക്ഷ പാര്‍ട്ടി നേതാക്കളാണ് പ്രധാനമന്ത്രിക്ക് സംയുക്തമായി കത്തയച്ചത്. പ്രതിപക്ഷ നേതാക്കൾക്കെതിരായി കേന്ദ്ര ഏജൻസികളെ ദുരുപയോഗം ചെയ്യുന്നത് വഴി രാജ്യം ജനാധിപത്യത്തില്‍ നിന്ന് സ്വേച്ഛാധിപത്യത്തിലേക്ക് മാറിയിയിരിക്കുന്നുവെന്നും ഇവര്‍ കത്തില്‍ വ്യക്തമാക്കി.
പ്രതിഷേധ കത്ത്: മുഖ്യമന്ത്രി അരവിന്ദ് കെജ്‌രിവാള്‍ ഉള്‍പ്പടെ ഒമ്പത് പ്രതിപക്ഷ നേതാക്കള്‍ പ്രധാനമന്ത്രിക്ക് എഴുതിയ കത്ത് എന്നറിയിച്ച് ആം ആദ്‌മി പാര്‍ട്ടി തങ്ങളുടെ ഔദ്യോഗിക ട്വിറ്റര്‍ ഹാന്‍ഡിലിലൂടെയാണ് കത്ത് പുറത്തുവിട്ടത്. മനീഷ് സിസോദിയയുടെ അറസ്‌റ്റ് ലോകമെമ്പാടും ഒരു രാഷ്‌ട്രീയ വേട്ടയാടലിന്‍റെ ഉദാഹരണമായി ഉദ്ദരിക്കപ്പെടുമെന്നും ഇന്ത്യയുടെ ജനാധിപത്യ മൂല്യങ്ങള്‍ ബിജെപിയുടെ സ്വേച്ഛാധിപത്യത്തിന് കീഴില്‍ ഭീഷണിയിലാണെന്ന് ലോകം സംശയിക്കുന്നത് ഒന്നുകൂടി സ്ഥിരീകരിക്കപ്പെടുമെന്നും ആം ആദ്‌മി ട്വിറ്ററില്‍ കുറിച്ചു.
-
9 Opposition Leaders including CM @ArvindKejriwal write to PM Modi‼️
— AAP (@AamAadmiParty) March 5, 2023 " class="align-text-top noRightClick twitterSection" data="
“@msisodia's arrest will be cited worldwide as an example of a political witch-hunt & further confirm what the world was only suspecting- India's democratic values stand threatened under an authoritarian BJP” pic.twitter.com/3ELL5N88UJ
">9 Opposition Leaders including CM @ArvindKejriwal write to PM Modi‼️
— AAP (@AamAadmiParty) March 5, 2023
“@msisodia's arrest will be cited worldwide as an example of a political witch-hunt & further confirm what the world was only suspecting- India's democratic values stand threatened under an authoritarian BJP” pic.twitter.com/3ELL5N88UJ9 Opposition Leaders including CM @ArvindKejriwal write to PM Modi‼️
— AAP (@AamAadmiParty) March 5, 2023
“@msisodia's arrest will be cited worldwide as an example of a political witch-hunt & further confirm what the world was only suspecting- India's democratic values stand threatened under an authoritarian BJP” pic.twitter.com/3ELL5N88UJ
കത്തിലെ 'കുത്ത്': നീണ്ട വേട്ടയാടലിനൊടുവിലാണ് സിസോദിയയെ അറസ്‌റ്റ് ചെയ്‌തതെന്നും അദ്ദേഹത്തിനെതിരായ ആരോപണങ്ങള്‍ 'തീര്‍ത്തും അടിസ്ഥാനരഹിതം' ആണെന്നും, 'രാഷ്‌ട്രീയ ഗൂഢാലോചനയല്ലാതെ മറ്റൊന്നുമല്ലെന്നും' പ്രതിപക്ഷ നിരയിലെ നേതാക്കള്‍ കത്തില്‍ പറയുന്നു. കൂടാതെ പ്രതിപക്ഷ നിര വിട്ട് ബിജെപിയില്‍ ചേര്‍ന്നവരുടെ കേസുകള്‍ അന്വേഷണ ഏജന്‍സികള്‍ സ്വയം ഇല്ലാതാക്കി കളയുന്നതായും ഇവര്‍ കത്തില്‍ അഭിപ്രായപ്പെട്ടു. ശാരദ ചിട്ടി ഫണ്ട് അഴിമതിയിൽ 2014ലും 2015ലും അന്വേഷണം നേരിട്ട നിലവിലെ അസം മുഖ്യമന്ത്രി ഹിമന്ത ബിശ്വ ശർമ്മ, നാരദ സ്‌റ്റിങ് ഓപറേഷന്‍ കേസില്‍ അന്വേഷണം നേരിട്ട പശ്ചിമ ബംഗാളില്‍ നിന്നുള്ള സുവേന്ദു അധികാരി, മുകുള്‍ റോയി എന്നിവരും മഹാരാഷ്‌ട്രയില്‍ നിന്നുള്ള നാരായണ്‍ റാണെ എന്നിവരെല്ലാം രക്ഷപ്പെട്ടത് ഇങ്ങനെയാണെന്നും നേതാക്കള്‍ കത്തില്‍ ഉദാഹരണം നിരത്തുന്നുണ്ട്.
പ്രതിപക്ഷം ശത്രുക്കളോ: ബിജെപി സർക്കാർ അധികാരത്തിൽ വന്ന 2014 മുതൽ പ്രതിപക്ഷ നേതാക്കൾക്കെതിരെ അന്വേഷണം ആരംഭിച്ചു. ലാലു പ്രസാദ് യാദവ്, സഞ്ജയ് റൗത്ത്, അസം ഖാൻ, നവാബ് മാലിക്, അനിൽ ദേശ്‌മുഖ്, അഭിഷേക് ബാനർജി തുടങ്ങിയ പ്രതിപക്ഷ നേതാക്കൾക്കെതിരായ കേസുകൾ വർധിച്ചുവരികയാണ്. ഇതുവഴി കേന്ദ്ര ഏജന്‍സികള്‍ ഭരണസംവിധാനത്തിനായി ചിറകുനീട്ടിക്കൊടുക്കുകയാണെന്ന സംശയം ഉയരുന്നുണ്ടെന്നും പ്രതിപക്ഷ നേതാക്കള്‍ കത്തില്‍ അറിയിച്ചു.
അദാനിയെ 'കാണാത്ത' കേന്ദ്ര സര്‍ക്കാര്‍: അതേസമയം അദാനി വിഷയത്തില്‍ കത്തിലൂടെ പ്രതിഷേധമറിയിക്കാനും നേതാക്കള്‍ മറന്നില്ല. ഒരു അന്താരാഷ്‌ട്ര ഫോറന്‍സിക് ഫിനാന്‍സ് റിസര്‍ച്ച് റിപ്പോര്‍ട്ട് പ്രസിദ്ധീകരിച്ചതിനെ തുടര്‍ന്ന്, എസ്‌ബിഐയുമായും എല്‍ഐസിയുമായും സമ്പര്‍ക്കം പുലര്‍ത്തുന്ന ഒരു സ്ഥാപനത്തിന് അവരുടെ ഓഹരികളുടെ വിപണി മൂലധനത്തിൽ 78,000 കോടി രൂപ നഷ്‌ടമായതായി റിപ്പോർട്ട് വന്നു. എന്നാല്‍ എന്തുകൊണ്ടാണ് സ്ഥാപനത്തിന്‍റെ സാമ്പത്തിക ക്രമക്കേടുകൾ പുറത്തുവന്ന് പൊതുജനങ്ങളുടെ പണം അപകടത്തിലായിട്ടും കേന്ദ്ര ഏജൻസികളെ അന്വേഷണത്തിന് നിർബന്ധിക്കാത്തതെന്നും പ്രതിപക്ഷ നേതാക്കള്‍ കത്തില്‍ പ്രധാനമന്ത്രിക്ക് നേരെ ചോദ്യമെറിഞ്ഞു.
ഗവര്‍ണറുമാര്‍ ഏജന്‍റുമാര്‍: മാത്രമല്ല വിവിധ സംസ്ഥാനങ്ങളില്‍ ഗവര്‍ണര്‍മാരും അധികാരത്തിലുള്ള സര്‍ക്കാരുകളും തമ്മില്‍ അടിക്കടിയുണ്ടാകുന്ന ഭിന്നതകളും നേതാക്കള്‍ കത്തില്‍ ഉയര്‍ത്തികാണിക്കുന്നുണ്ട്. ബിജെപി ഇതര സര്‍ക്കാര്‍ നേതൃത്വം നല്‍കുന്ന സംസ്ഥാനങ്ങളിലും കേന്ദ്ര ഭരണപ്രദേശങ്ങളിലും വിള്ളലുണ്ടാക്കുന്നവരായി ഗവര്‍ണര്‍മാര്‍ മാറിയിരിക്കുന്നുവെന്ന് തമിഴ്‌നാട്, മഹാരാഷ്‌ട്ര, പശ്ചിമ ബംഗാള്‍, പഞ്ചാബ്, തെലങ്കാന സംസ്ഥാനങ്ങളിലെ ഗവര്‍ണര്‍മാരെയും ഡല്‍ഹി ലഫ്‌റ്റനന്‍റ് ഗവര്‍ണറെയും ഉദാഹരിച്ചും പ്രതിപക്ഷ നേതാക്കള്‍ കത്തില്‍ ചൂണ്ടിക്കാട്ടി. അതേസമയം ഡല്‍ഹി മദ്യ നയവുമായി ബന്ധപ്പെട്ട അഴിമതി കേസില്‍ ഉപമുഖ്യമന്ത്രിയായ മനീഷ് സിസോദിയയെ ഇക്കഴിഞ്ഞ ഫെബ്രുവരി 26നാണ് കേന്ദ്ര അന്വേഷണ ഏജന്‍സിയായ സിബിഐ അറസ്‌റ്റ് ചെയ്യുന്നത്. അറസ്‌റ്റിനെ തുടര്‍ന്ന് സിസോദിയ ഡല്‍ഹി ഉപമുഖ്യമന്ത്രി പദത്തില്‍ നിന്ന് രാജിവയ്‌ക്കുകയും ചെയ്‌തിരുന്നു.
