മുംബൈ : മഹാരാഷ്‌ട്രയില്‍ ക്രൂര ബലാത്സംഗത്തിന് ഇരയായി ഗുരുതരാവസ്ഥയില്‍ ചികിത്സയിലായിരുന്ന യുവതി മരിച്ചു. 33 മണിക്കൂര്‍ നേരത്തെ ചെറുത്തുനില്‍പ്പിനൊടുവിലാണ് യുവതിയുടെ വിയോഗമെന്ന് മുംബൈ പൊലീസ് അറിയിച്ചു.
അതേസമയം, മുഖ്യപ്രതിയായ മോഹന്‍ ചൗഹാനെ(45) പൊലീസ് അറസ്റ്റ് ചെയ്‌തു. ഇന്ത്യൻ ശിക്ഷാനിയമത്തിലെ 307, 376, 323, 504 വകുപ്പുകളാണ് ഇയാള്‍ക്കെതിരെ ചുമത്തിയിരിക്കുന്നത്.
സെപ്റ്റംബർ ഒന്‍പതിനായിരുന്നു ദാരുണ സംഭവം. മുംബൈയിലെ സകിനാക പ്രദേശത്തെ ഖൈറാനി റോഡിൽ ഗുരുതരമായി പരിക്കേറ്റ നിലയില്‍ 30 കാരിയെ കണ്ടെത്തുകയായിരുന്നു. സ്വകാര്യ ഭാഗങ്ങളില്‍ ഇരുമ്പ് ദണ്ഡ് കയറ്റിയ നിലയിലായിരുന്നു.
ALSO READ: കര്‍ണാലിലെ കര്‍ഷകര്‍ സമരം അവസാനിപ്പിച്ചു; ജുഡീഷ്യല്‍ അന്വേഷണത്തിന് ഉത്തരവ്
യുവതിയുടെ പ്രായപൂര്‍ത്തിയാകാത്ത മക്കള്‍ക്ക് മതിയായ നഷ്ടപരിഹാരം ലഭ്യമാക്കണമെന്ന് ശിവസേന നേതാവ് മനീഷ കയാണ്ടെ ആവശ്യപ്പെട്ടു.
മുഖ്യപ്രതിയെ അറസ്റ്റ് ചെയ്‌തതായും നിശ്ചിത സമയപരിധിക്കുള്ളിൽ കുറ്റപത്രം സമർപ്പിക്കാന്‍ ഇടപെടുമെന്നും എൻ.സി.പി നേതാവ് നവാബ് മാലിക് പറഞ്ഞു.
