മഹാരാഷ്ട്ര: മഹാരാഷ്ട്രയില്‍ കാലവര്‍ഷമെത്തി. ചൊവ്വാഴ്‌ച രാത്രി മുതല്‍ തുടര്‍ച്ചയായി പെയ്യുന്ന മഴയില്‍ മുംബൈയും കോര്‍പ്പറേഷന്‍ പരിസരവും വെള്ളത്തിലായി. സംസ്ഥാനത്തിന്‍റെ മറ്റ് പല ഭാഗങ്ങളിലും ശക്തമായ മഴ അനുഭവപ്പെട്ടു.
സെന്‍ട്രല്‍ റെയില്‍വെ സര്‍വീസുകളും മുടങ്ങി. സാന്താക്രൂസില്‍ 50.4 മില്ലിമീറ്ററും കൊളാബയില്‍ 65.4 മില്ലിമീറ്റര്‍ മഴയുമാണ് ചൊവ്വാഴ്‌ച രേഖപ്പെടുത്തിയത്.
മഹാരാഷട്രയില്‍ കാലവര്‍ഷമെത്തി; മുംബൈ വെള്ളത്തില്‍
ജൂൺ 10ന് ആരംഭിക്കേണ്ട കാലവര്‍ഷമാണ് മുംബൈയില്‍ നേരത്തെ ആരംഭിച്ചതെന്ന് കേന്ദ്ര കാലാവസ്ഥ വകുപ്പ് ഡിഡിജി ഡോ.ജയാന്ദ സര്‍ക്കാര്‍ വിലയിരുത്തി.
അതേസമയം ജൂണ്‍ 9 മുതല്‍ 12 വരെ മുംബൈയിലും കൊങ്കണിലെ എല്ലാ ജില്ലയിലും ശക്തമായ മഴയ്‌ക്ക് സാധ്യതയുള്ളതായി ഐഎംഡി നേരത്തെ മുന്നറിയിപ്പ് നല്‍കിയിരുന്നു.
