ഗുണ്ടൂർ (ആന്ധ്രാപ്രദേശ്) : സ്വത്തിന് വേണ്ടി അമ്മയെ ക്രൂരമായി മർദിച്ച മകൻ അറസ്റ്റിൽ. തടേപ്പള്ളി സ്വദേശിയായ ഷേഹു(49) ആണ് അറസ്റ്റിലായത്. ഭാര്യയുമായി ചേർന്നാണ് ഷേഹു അമ്മ നാഗമണിയെ(81) ക്രൂരമായി മർദിച്ചത്.
സ്വത്തിന് വേണ്ടി വൃദ്ധയായ അമ്മക്ക് ക്രൂരമർദനം; ആന്ധ്രാപ്രദേശിൽ മകൻ അറസ്റ്റിൽ
മൂത്ത മകനായ ഷേഹുവിനൊപ്പമായിരുന്നു അമ്മ നാഗമണി താമസിച്ചിരുന്നത്. ഷേഹു അമ്മയെ മർദിക്കുന്നത് കണ്ട അയൽവാസികൾ ദൃശ്യങ്ങൾ മൊബൈൽ ഫോണിൽ പകർത്തുകയും തുടർന്ന് പൊലീസിനെ വിവരമറിയിക്കുകയുമായിരുന്നു. തുടർന്ന് പൊലീസെത്തി ഇയാളെ അറസ്റ്റ് ചെയ്‌തു.
