മുംബൈ: കൊവിഡ് ബാധിതർക്കായി കേന്ദ്ര സർക്കാർ ഏർപ്പെടുത്തിയ പദ്ധതികൾ മഹാ വികാസ് അഗദി സർക്കാർ പദ്ധതികളായി സംസ്ഥാനത്ത് അവതരിപ്പിച്ചതായി മഹാരാഷ്ട്ര പ്രതിപക്ഷ നേതാവ് ദേവേന്ദ്ര ഫഡ്നാവിസ്. ഉദവ് താക്കറെ സർക്കാർ പ്രഖ്യാപിച്ച നടപടികൾ കണ്ണടയ്ക്കലാണെന്നും, കേന്ദ്രത്തിന്‍റെ പദ്ധതികൾ വീണ്ടും പാക്കേജ് ചെയ്ത് സ്വന്തമായി അവതരിപ്പിക്കുകയാണെന്നും അദ്ദേഹം ആരോപിച്ചു.
2011ൽ നടത്തിയ സർവേയിൽ തെറ്റായിരുന്നു. സംസ്ഥാനത്തെ 88 ലക്ഷം പേർക്ക് ഭക്ഷ്യസുരക്ഷാ നിയമ പ്രകാരം ആനുകൂല്യങ്ങൾ ലഭിക്കുന്നില്ലെന്നും മുഖ്യമന്ത്രി ഒരു സഹായവും പ്രഖ്യാപിച്ചിട്ടില്ലെന്നും അദ്ദേഹം പറഞ്ഞു. തെരുവ് കച്ചവടക്കാർ, രജിസ്റ്റർ ചെയ്ത നിർമാണ തൊഴിലാളികൾ, ലൈസൻസുള്ള ഓട്ടോറിക്ഷാ ഡ്രൈവർമാർ എന്നിവർക്കായി താക്കറെ പ്രഖ്യാപിച്ച 5,476 കോടി രൂപ പാക്കേജ് ഒരു കൺക്കെട്ടാണെന്നും ഫഡ്നാവിസ് പറഞ്ഞു. സംസ്ഥാന സർക്കാരിന് അടിസ്ഥാന യാഥാർത്ഥ്യത്തെക്കുറിച്ച് അറിയില്ലെന്ന് മുൻ മുഖ്യമന്ത്രി അവകാശപ്പെട്ടു.
