ന്യൂഡല്‍ഹി: കൊവിഡ് രോഗികളിൽ വർദ്ധിച്ചുവരുന്ന മ്യൂക്കോർമൈക്കോസിസ് അല്ലെങ്കിൽ ബ്ലാക്ക് ഫംഗസ് നിയന്ത്രിക്കാൻ സ്റ്റിറോയിഡ് ഉപയോഗത്തിന്‍റെ നിയന്ത്രണവും പ്രമേഹ നിയന്ത്രണവുമാണ് വേണ്ടതെന്ന് മെഡന്‍റ ഹോസ്പിറ്റൽ ചെയർപേഴ്‌സൺ ഡോ.നരേഷ് ട്രെഹാൻ. മ്യൂക്കോർമൈക്കോസിസിന്‍റെ ആദ്യ ലക്ഷണങ്ങൾ മൂക്കിലെ വേദന, വീക്കം എന്നിവയാണ്.
മണ്ണ്, സസ്യങ്ങൾ, വളം, ചീഞ്ഞളിഞ്ഞ പഴങ്ങൾ, പച്ചക്കറികൾ എന്നിവയിൽ സാധാരണയായി കാണപ്പെടുന്ന മ്യൂക്കൺ പൂപ്പൽ എക്സ്പോഷർ മൂലമുണ്ടാകുന്ന ഫംഗസ് അണുബാധ തലച്ചോറിനെയും ശ്വാസകോശത്തെയും സൈനസുകളെയും ബാധിക്കുന്നു. മാത്രമല്ല പ്രമേഹ രോഗികളിലും രോഗപ്രതിരോധ ശേഷിയില്ലാത്തവരിലും കാൻസർ രോഗികൾ അല്ലെങ്കിൽ എയ്‌ഡ്‌സ് ഉള്ള ആളുകൾ എന്നിവരില്‍ ഇത് മാരകമാകുന്നു. അതേസമയം, മ്യൂക്കോർമൈക്കോസിസ് സംബന്ധിച്ച് ആശങ്കപ്പെടേണ്ടതില്ലെന്ന് ഡോക്ടർമാർ അറിയിച്ചു.
Read Also………..ബ്ലാക്ക് ഫംഗസ്;ആംഫോട്ടെറിസിൻ-ബി മരുന്നിന്‍റെ ഉത്പാദനം വർധിപ്പിക്കാനൊരുങ്ങി കേന്ദ്രം
കഴിഞ്ഞ ഏതാനും ആഴ്ചകളായി കൊവിഡിൽ നിന്ന് കരകയറുന്നവരിൽ ഫംഗസ് അണുബാധയുടെ വർദ്ധനവ് വർദ്ധിച്ചുവരികയാണെന്ന് എയിംസ് ഡയറക്ടർ ഡോ. ഗുലേറിയ ചൂണ്ടിക്കാട്ടി. നിരവധി സംസ്ഥാനങ്ങളിൽ കറുത്ത ഫംഗസ് കേസുകളുടെ വർദ്ധനവ് റിപ്പോർട്ട് ചെയ്തിട്ടുണ്ടെന്നും അദ്ദേഹം പറയുന്നു. ഈ കൊവിഡ് -19 തരംഗത്തിൽ സ്റ്റിറോയിഡ് ഉപയോഗം വളരെയധികം വർദ്ധിച്ചു. കൂടാതെ മിതമായതോ ആദ്യകാല രോഗമോ സൂചിപ്പിക്കാത്തപ്പോൾ നൽകിയ സ്റ്റിറോയിഡുകൾ മറ്റ് അണുബാധയ്ക്ക് കാരണമാകും. ഉയർന്ന അളവിലുള്ള സ്റ്റിറോയിഡുകൾ നൽകുന്നത് രക്തത്തിലെ പഞ്ചസാരയുടെ അളവും ഉയർത്തുന്നുവെന്നും എയിംസ് ഡയറക്ടർ പറയുന്നു. അസംസ്കൃത ഭക്ഷണം കഴിക്കുന്നത് കാരണം ഇത് സംഭവിക്കുമെന്ന് ധാരാളം തെറ്റായ സന്ദേശങ്ങൾ പ്രചരിക്കുന്നുണ്ട്, പക്ഷേ അത് ശരിയല്ലെന്നും അദ്ദേഹം വ്യക്തമാക്കി.
'ബ്ലാക്ക് ഫംഗസ്' അണുബാധ രാജ്യത്തിന്‍റെ പല ഭാഗങ്ങളിലും ഇതിനോടകം റിപ്പോർട്ട് ചെയ്യപ്പെട്ടിട്ടുണ്ട്. രാജസ്ഥാൻ, ഗുജറാത്ത്, പഞ്ചാബ്, ഹരിയാന, കർണാടക, ഒഡിഷ, തെലങ്കാന, തമിഴ്‌നാട് തുടങ്ങിയ സംസ്ഥാനങ്ങൾ ഇതിനെ പകർച്ചവ്യാധിയായി പ്രഖ്യാപിച്ചിട്ടുമുണ്ട്. രാജ്യ തലസ്ഥാനത്ത് സർക്കാർ, സ്വകാര്യ ആശുപത്രികളിലായി 197 കറുത്ത ഫംഗസ് കേസുകളുണ്ടെന്ന് ഡല്‍ഹി ആരോഗ്യമന്ത്രി സത്യേന്ദർ ജെയിൻ പറഞ്ഞു.
