ശ്രീനഗര്‍: ജമ്മു കശ്മീരിലെ ഭീകര സംഘടനകള്‍ക്ക് ആയുധങ്ങളെത്തിച്ച് നല്‍കിയിരുന്നവര്‍ പിടിയില്‍. ഭീകരസംഘടനയായ ഹിസ്ബുള്‍ മുജാഹിദ്ദീന് സഹായമെത്തിക്കുന്നവരാണ് അറസ്റ്റിലായത്. രഹസ്യ വിവരം ലഭിച്ചതിനെത്തുടര്‍ന്ന് നടത്തിയ പരിശോധനയിലാണ് ബാരാമുള്ളയിലെ ബോനിയാറില്‍ നിന്നും ഇവരെ ജമ്മു കശ്മീര്‍ പൊലീസ് പിടികൂടിയത്.
ബോനിയാര്‍ സ്വദേശി അഖ്തര്‍ അഹമ്മദ് അമീര്‍, ഉറിയിലെ നമ്പ്ലാ സ്വദേശി അഹമ്മദ് കാഖ്രൂ എന്നിവരാണ് പിടിയിലായത്. ഇവരില്‍ നിന്നും രണ്ട് ചൈനീസ് ഗ്രനേഡുകളും പിടിച്ചെടുത്തു. ഇരുവരും ഭീകരര്‍ക്ക് ആയുധങ്ങളും സ്ഫോടക വസ്തുക്കളും എത്തിച്ച് നല്‍കുന്ന സംഘത്തിലുള്‍പ്പെട്ടവരാണെന്നാണ് പൊലീസ് നല്‍കുന്ന വിവരം.
