ശ്രീനഗര്‍: ബോളിവുഡ് സിനിമകളില്‍ അവിസ്‌മരണീയ പ്രകടനങ്ങള്‍ നടത്തിയ ജനപ്രിയ കശ്‌മീരി നടനാണ് മിര്‍ സര്‍വാര്‍. കേസരി, ബജ്‌രംഗി ഭായ്‌ജാന്‍, ജോളി എൽഎൽബി 2, ഡിഷൂം, ഷേർഷാ, മിഷൻ മജ്‌നു, ഫാന്‍റം തുടങ്ങിയ ബോളിവുഡ് സിനിമകളിലെ മികച്ച പ്രകടനത്തിലൂടെ നിരവധി പ്രേക്ഷകരുടെ ശ്രദ്ധ പിടിച്ച് പറ്റിയ താരം പുതുതായി അഭിനയിക്കുന്ന ചിത്രമാണ് രാവ്‌രംഭ. മറാത്തി ചലച്ചിത്ര രംഗത്തേക്കുള്ള ആദ്യ ചുവട് വയ്‌പ്പ് എന്ന പ്രത്യേകതയ്‌ക്ക് പുറമെ ഒന്‍പത് വ്യത്യസ്‌ത കഥാപാത്രങ്ങളെയാണ് താരം ഈ ചിത്രത്തില്‍ അവതരിപ്പിക്കുന്നത്.
തനിക്ക് ഇനിയും നിറയെ സ്വപ്‌നങ്ങള്‍ ബാക്കിയുണ്ടെന്ന് താരം ഇടിവി ഭാരതിന് നല്‍കിയ അഭിമുഖത്തില്‍ പറയുന്നു. "കമൽഹാസനെയും സഞ്ജീവ് കുമാറിനെയും പോലെ ഒരു സിനിമയിൽ ഒമ്പതിൽ കൂടുതൽ വേഷങ്ങൾ ചെയ്യാൻ ഞാൻ ആഗ്രഹിച്ചിരുന്നുവെന്നും താരം പറഞ്ഞു. താന്‍ അഭിനയിക്കുന്ന കുറച്ച് സിനിമകള്‍ കൂടി പണിപ്പുരയിലുണ്ടെന്നും അത് ഉടന്‍ പുറത്തിറങ്ങുമെന്നും താരം അഭിമുഖത്തില്‍ വ്യക്തമാക്കിയിരുന്നു.
1974 ല്‍ പുറത്തിറങ്ങിയ 'നയാ ദിന്‍ നൈ രാത്‌' എന്ന സിനിമയിലും താരം നിരവധി വേഷങ്ങളില്‍ എത്തിയിട്ടുണ്ട്. ഈ ചിത്രത്തില്‍ പ്രായമായ മനശാസ്‌ത്രജ്ഞനായും വ്യാജ ആള്‍ദൈവമായും കുഷ്‌ഠ രോഗിയായും തിയേറ്റര്‍ ആര്‍ട്ടിസ്റ്റായും ഒരു സമ്പന്നനായ ആളുടെ രൂപത്തിലുമെല്ലാം താരം വേഷമിട്ടിരുന്നു. 2008ൽ പുറത്തിറങ്ങിയ ദശാവതാരം എന്ന സിനിമയിൽ കമൽഹാസൻ പത്ത് കഥാപാത്രങ്ങളെ അവതരിപ്പിച്ചത് പോലെയാണ് താനും ഈ ചിത്രത്തില്‍ വിവിധ കഥാപാത്രങ്ങളായി അഭിനയിച്ചതെന്ന് മിര്‍ സര്‍വാര്‍ പറഞ്ഞു.
മറാത്തി ചലച്ചിത്ര രംഗത്തേക്കുള്ള ചുവടുവയ്‌പ്പിനെ കുറിച്ച് ചോദിച്ചപ്പോള്‍ 'രാവ്‌രംഭ'യാണ് മറാത്തിയിലെ തന്‍റെ ആദ്യ ചിത്രമെന്നും ഇതിലൂടെ ജീവിതത്തില്‍ വലിയ മാറ്റങ്ങളുണ്ടാകുമെന്നും അദ്ദേഹം പറഞ്ഞു. ശിവാജി മറാത്ത കാലഘട്ടത്തിലെ ബെഹ്‌ലോൽ ഖാന്‍റെ കഥാപാത്രം അടക്കമുള്ള വേഷങ്ങളിലാണ് താനെത്തുന്നതെന്നും അദ്ദേഹം പറഞ്ഞു. മറാത്തിയ്‌ക്ക് പുറമെ ഹിന്ദി, തെലുഗു, ഭോജ്‌പുരി, പഞ്ചാബി, കശ്‌മീരി എന്നീ ഭാഷകളിലുള്ള ചിത്രങ്ങളിലും താന്‍ അഭിനയിച്ചിട്ടുണ്ടെന്ന് താരം പറഞ്ഞു.
ചിത്രത്തില്‍ എന്‍റെ നാവില്‍ ഒരു പാമ്പ് കടിക്കുന്ന രംഗമുണ്ട്. എന്നാല്‍ യഥാര്‍ഥത്തില്‍ പാമ്പില്ലായിരുന്നു. പാമ്പില്ലാതെ നിങ്ങള്‍ പാമ്പുണ്ടെന്ന് സങ്കല്‍പ്പിച്ച് അഭിനയിക്കണമെന്ന് തന്നോട് ആവശ്യപ്പെട്ടു. താന്‍ അഭിനയിക്കുകയും ചെയ്‌തു. യഥാര്‍ഥത്തില്‍ അത് സിനിമയിലെ പ്രധാന ആകര്‍ഷണങ്ങളില്‍ ഒന്നായെന്നും മിര്‍ സര്‍വാര്‍ പറഞ്ഞു.
അനുപ്‌ ജഗ്‌ദാലെ രചനയും സംവിധാനവും നിര്‍വഹിച്ച ചിത്രം രാവ്‌രംഭയിലെ അഭിനയത്തിന് പിന്നാലെ മറാത്തിയില്‍ തനിക്ക് നിരവധി അവസരങ്ങള്‍ ലഭിച്ചിട്ടുണ്ടെന്നും അദ്ദേഹം പറഞ്ഞു.
