ചിങ്ങം: ഇന്ന് നിങ്ങൾക്ക് അനുകൂലമായ ഒരു ദിവസമാണ്. ബന്ധങ്ങളുടെ പ്രാധാന്യം നിങ്ങൾ ഇന്ന് തിരിച്ചറിയും. കുടുംബാംഗങ്ങളുമായും ഇന്ന് കൂടുതൽ സമയം ചെലവഴിക്കും. ഇന്ന് പ്രിയപ്പെട്ടവരുമൊത്ത് യാത്ര പോകാൻ സാധ്യതയുണ്ട്. യാത്ര പോകുന്നത് മനസിന് സന്തോഷം നൽകും. തൊഴില്‍രംഗത്ത് ഇന്ന് ഉയർച്ച ഉണ്ടാകാനുള്ള സാധ്യതയുണ്ട്.
കന്നി: ബന്ധങ്ങളുടെ വില ഇന്ന് നിങ്ങൾ മനസിലാക്കും. നിങ്ങൾ ഇന്ന് ചെയ്‌ത് തീർക്കാനുള്ള ജോലി കൃത്യസമയത്ത് ചെയ്‌ത് തീർക്കും. ഇന്ന് നിങ്ങളുടെ മനസ് ശാന്തമായിരിക്കും. ബൗദ്ധിക ചര്‍ച്ചകളില്‍ നിന്ന് അകലുന്നതാണ് നിങ്ങളുടെ മനസിന് നല്ലത്. പ്രിയപ്പെട്ടവരോടൊപ്പം യാത്ര പോകാൻ സാധ്യതയുണ്ട്. പണം അനാവശ്യമായി ചെലവാക്കാതിരിക്കുക. വിദ്യാർഥികൾക്കും തൊഴിൽ അന്വേഷിക്കുന്നവർക്കും ഇന്ന് പ്രതികൂല ദിവസമല്ല.
തുലാം: സാമ്പത്തിക ഇടപാടുകൾ നടത്തുമ്പോൾ കൂടുതൽ ശ്രദ്ധ നൽകണം. നിങ്ങളുടെ കലാപരമായ കഴിവുകള്‍ മറ്റുള്ളവരിൽ മതിപ്പുളവാക്കും. ആരോഗ്യപരമായും മാനസികമായും നിങ്ങൾ സന്തോഷവാനായിരിക്കും. വിവിധ പ്രശ്‌നങ്ങളില്‍ ശരിയായ തീരുമാനങ്ങള്‍ എടുക്കാൻ നിങ്ങൾക്ക് സാധിക്കും. അതിനാൽ നിങ്ങളുടെ ആത്മവിശ്വാസം വര്‍ധിക്കും.
വൃശ്ചികം: സംസാരവും കോപവും നിയന്ത്രിക്കണം. വ്യാകുലതയും, ഉദാസീനതയും നിങ്ങളുടെ മനസിനെ അസ്വസ്ഥമാക്കും. വാഹനമോടിക്കുന്നതില്‍ ജാഗ്രത പുലര്‍ത്തുക. ഇന്ന് എന്തെങ്കിലും ചികിത്സക്ക് പോകാൻ തീരുമാനിച്ചിട്ടുണ്ടെങ്കിൽ അത് മാറ്റിവയ്‌ക്കുന്നതാണ് നല്ലത്. നിയമപരമായ കാര്യങ്ങളില്‍ ഇന്ന് ശ്രദ്ധപുലര്‍ത്തണം. നിസാര പ്രശ്‌നങ്ങളില്‍ കുടുംബാംഗങ്ങളുമായി തർക്കിക്കും. ചെലവുകൾ വർധിക്കാനുള്ള സാധ്യതയുണ്ട്.
ധനു: ഇന്ന് നേട്ടങ്ങളുടെ ഒരു ദിവസമായിരിക്കും. നിങ്ങളുടെ കുടുംബജീവിതം പരമാവധി ആസ്വദിക്കാൻ നിങ്ങൾക്ക് കഴിയും. സുഹൃത്തുക്കളോടൊപ്പം ഒരു ചെറിയ യാത്ര പോകാൻ സാധ്യതയുണ്ട്. നിങ്ങളുടെ വരുമാനം വർധിക്കാനുള്ള സാധ്യതയുണ്ട്.
മകരം: ബിസിനസുകാർക്ക് ഇന്ന് മികച്ച ദിവസമല്ല. ആരോഗ്യപരമായ അസ്വസ്ഥകൾ നേരിടും. വാഹനങ്ങൾ ഓടിക്കുമ്പോൾ ശ്രദ്ധിക്കണം. നിങ്ങൾക്ക് ഇന്ന് അപകടം ഉണ്ടാകാൻ സാധ്യതയുണ്ട്. അതിനാൽ അപകടകരമായേക്കാവുന്ന കാര്യങ്ങളോ സാഹചര്യങ്ങളോ കൈകാര്യം ചെയ്യുന്നത് ഒഴിവാകുക. എന്നാൽ ഇന്ന് നിങ്ങൾ ചില ക്രിയാത്മകമായ കാര്യങ്ങൾ ചെയ്യും. കച്ചവട ആവശ്യങ്ങൾക്കായുള്ള യാത്ര നിങ്ങൾക്ക് ദീർഘകാലാടിസ്ഥാനത്തിൽ ചില ലാഭങ്ങൾ നേടിത്തരും.
കുംഭം: ഇന്ന് നിങ്ങൾ ശാരീരിക അസ്വസ്ഥകൾ നേരിട്ടേക്കാം. ഇത് നിങ്ങളെ അൽപം പ്രകോപിപ്പിക്കും. എന്നിരുന്നാലും, ഇത് നിങ്ങളുടെ കഠിനാധ്വാനം ചെയ്യാനുള്ള മനസിനെ തളർത്തില്ല. നിങ്ങൾ ഇന്ന് ജോലിയിൽ മുഴുകാൻ സാധ്യതയുണ്ട്. നിങ്ങളുടെ രോഗത്തെകുറിച്ച് പോലുംമറന്നേക്കാം.
മീനം: ഇന്ന് നിങ്ങൾക്ക് ഗുണദോഷ സമ്മിശ്രമായ ഒരു ദിവസമായിരിക്കും. ഇന്ന് നിങ്ങൾ ചെയ്യുന്ന ജോലിയുടെ പ്രതിഫലം വർധിക്കും. ഇത് നിങ്ങളുടെ മനസിന് സന്തോഷം നൽകും. എന്നാൽ ആരോഗ്യപരമായി ഇന്ന് നിങ്ങൾക്ക് മോശം ദിവസമായിരിക്കും.
മേടം: സന്തോഷപ്രദമായ ഒരു ദിവസമായിരിക്കും ഇന്ന് നിങ്ങൾക്ക്. കുടുംബാന്തരീക്ഷം നിങ്ങളെ ഏറെ സന്തോഷവാനാക്കും. ഇന്ന് നിങ്ങൾക്ക് സാമ്പത്തിക വിജയമുണ്ടാകും. രസകരമായ യാത്രകള്‍ക്കും സാധ്യതയുണ്ട്. ജോലിയില്‍ ഇന്ന് നിങ്ങള്‍ക്ക് പ്രശംസയും അഭിനന്ദനങ്ങളും ലഭിക്കും. വാദപ്രതിവാദങ്ങളില്‍നിന്നും സംഘര്‍ഷങ്ങളില്‍നിന്നും കഴിയുന്നത്ര അകന്ന് നില്‍ക്കുക. യാത്രയ്ക്ക് നല്ലസമയമാണ്. ഒരു വാഹനം വാങ്ങുവാനും ഇന്ന് നല്ലദിവസമാണ്.
ഇടവം: ശാരീരികമായും മാനസികമായും ഇന്ന് നല്ല ദിവസമാണ്. നിങ്ങള്‍ അസൂത്രണം ചെയ്യുന്ന പദ്ധതികള്‍ യാഥാര്‍ഥ്യമാകുകയും, ഏറ്റെടുത്ത ജോലി അനായാസം പൂര്‍ത്തിയാകുകയും ചെയ്യും. അതിന്‍റെ സന്തോഷം മറ്റുള്ളവരുമായി പങ്കുവയ്‌ക്കും. രോഗികള്‍ക്ക് അരോഗ്യത്തില്‍ പെട്ടെന്ന് പുരോഗതിയുണ്ടാകും.
മിഥുനം: കുടുംബാംഗങ്ങളുടെ ആരോഗ്യം ശ്രദ്ധിക്കണം. നിങ്ങള്‍ക്ക് ഇന്ന് ഉദരസംബന്ധമായ രോഗങ്ങള്‍ വരാനുള്ള സാധ്യതയുണ്ട്. ഇന്ന് പൂർണ്ണമായി വിശ്രമിക്കുക. യാത്രകള്‍ മാറ്റിവയ്‌ക്കുന്നതാണ് നല്ലത്. അമിത ചെലവ് നിയന്ത്രിക്കുകയും, പുതിയ സംരംഭങ്ങള്‍ തുടങ്ങുന്നത് ഒഴിവാക്കുകയും ചെയ്യുക. പുതിയ ഉദ്യമങ്ങള്‍ ആരംഭിക്കാൻ ഇന്ന് അനുകൂല ദിവസമല്ല. തര്‍ക്കങ്ങളില്‍ നിന്നും ചര്‍ച്ചകളില്‍ നിന്നും അകന്ന് നില്‍ക്കുക.
കര്‍ക്കടകം: മാനസികമായി ഇന്ന് നിങ്ങൾ അസ്വസ്ഥത നേരിടും. നിങ്ങളുടെ ഇപ്പോഴത്തെ ജോലിയിലുള്ള അസംതൃപ്‌തിയാകാനാണ് സാധ്യത. എന്നാൽ ശാന്തത പാലിക്കുകയും ജീവിതത്തിലെ നല്ല കാര്യങ്ങളില്‍ ശ്രദ്ധകേന്ദ്രീകരിക്കുകയും ചെയ്യുക. അല്ലാത്തപക്ഷം പ്രിയപ്പെട്ടവരുമായി നിങ്ങള്‍ കലഹമുണ്ടാക്കും.
