ന്യൂഡല്‍ഹി: പനാമ പേപ്പര്‍ കേസുമായി ബന്ധപ്പെട്ട് ബോളിവുഡ് താരം ഐശ്വര്യ റായ്‌ ബച്ചന് സമന്‍സ്‌ അയച്ചു. ഡല്‍ഹിയിലെ ഇഡിയുടെ ആസ്ഥാനത്തെത്തണമെന്നാണ് നിര്‍ദേശം. 2004 മുതലുള്ള ബച്ചന് കുടുംബത്തിന്‍റെ വിദേശ നിക്ഷേപത്തെ കുറിച്ച് ഇഡി അന്വേഷിക്കും.
Also Read: Nazriya Birthday: പിറന്നാള്‍ നിറവില്‍ നസ്രിയ; സ്‌റ്റൈലിഷ്‌ ലുക്ക്‌ വൈറല്‍
2016ലാണ് പനാമ പേപ്പര്‍ ചോര്‍ച്ചയുമായി ബന്ധപ്പെട്ട് കേസ്‌ അന്വേഷണം ആരംഭിക്കുന്നത്. ആഗോളതലത്തില്‍ വിവിധ രാഷ്‌ട്രീയ നേതാക്കളും കായിക താരങ്ങളും ചലച്ചിത്ര താരങ്ങളും നികുതി വെട്ടിച്ച് വിദേശത്ത് വന്‍തുക നിക്ഷേപിച്ചതിന്‍റെ വിവരമാണ് പനാമ പേപ്പര്‍ ചോര്‍ന്നതിലൂടെ പുറത്ത് വന്നത്. ലോകത്തിനെ ഏറ്റവും വലിയ രഹസ്യ കമ്പനികളിലൊന്നായ പനാമാനിയന്‍ കമ്പനി മൊസാക് ഫോന്‍സെകയില്‍ നിന്ന് ചോര്‍ന്ന രേഖകളാണ് പനാമ പേപ്പര്‍ എന്നറിയപ്പെടുന്നത്.
