ന്യൂഡൽഹി: ഡൽഹിയിൽ വായുമലിനീകരണം മിതമായ തോതിൽ രേഖപ്പെടുത്തി. ചൊവ്വാഴ്‌ച്ച രാജ്യ തലസ്ഥാനത്തെ വായു ഗുണനിലവാര തോത് (എക്യുഐ) 173 ആണ്. തിങ്കളാഴ്‌ച്ച ഇത്‌ 269 ആയിരുന്നു. ലോഥി റോഡ്‌ (183), പുസ റോഡ്‌(166) എന്നിവിടങ്ങളിൽ മിതമായ തോതിലാണ്‌ ഇന്ന്‌ എക്യുഐ രേഖപ്പെടുത്തിയത്‌.
പൂജ്യത്തിനും 50നും ഇടയിലുള്ള എക്യുഐ ആണ് വായുവിന്‍റെ ഗുണനിലവാരത്തിന് നല്ലത്. 51നും 100നും ഇടയിൽ തൃപ്തികരവും 101നും 200നും ഇടയിൽ മിതവും 201നും 300നും ഇടയിൽ ദരിദ്രവും 301നും 400നും ഇടയിൽ വളരെ ദരിദ്രവും 401നും 500നും ഇടയിൽ കഠിനവുമാണ്.
