ന്യൂഡല്‍ഹി: ഡല്‍ഹിയില്‍ പുതിയതായി 1,418 പേര്‍ക്ക് കൊവിഡ്‌ സ്ഥിരീകരിച്ചു. കഴിഞ്ഞ 24 മണിക്കൂറിനിടെ 2,160 പേര്‍ക്ക് രോഗം ഭേദമാവുകയും 37 പേര്‍ മരിക്കുകയും ചെയ്‌തു. ഇതോടെ സംസ്ഥാനത്ത് കൊവിഡ്‌ ബാധിച്ച് മരിച്ചവരുടെ എണ്ണം 10,219 ആയി. നിലവില്‍ സംസ്ഥാനത്ത് ചികിത്സയിലുള്ളത് 11,419 പേരാണ്. സംസ്ഥാനത്ത് ഇതുവരെ 6,14,775 പേര്‍ക്ക് കൊവിഡ്‌ സ്ഥിരീകരിച്ചു.സംസ്ഥാനത്തെ മരണ നിരക്ക് 1.66 ശതമാനമാണ്.
അതേസമയം രാജ്യത്ത് കഴിഞ്ഞ 24 മണിക്കൂറിനിടെ 22,889 പേര്‍ക്ക് രോഗം സ്ഥിരീകരിച്ചു. ഇതോടെ രാജ്യത്ത് കൊവിഡ്‌ സ്ഥിരീകരിച്ചവരുടെ എണ്ണം 99,79,447 ആയി. നിലവില്‍ രാജ്യത്ത് 3,13,831 പേരാണ് ചികിത്സയിലുള്ളത്.
