ന്യൂഡൽഹി: Man arrested for raping specially abled woman in Delhi: ഭിന്നശേഷിക്കാരിയായ യുവതിയെ ലൈംഗികമായി പീഡിപ്പിച്ച 34കാരൻ അറസ്റ്റിൽ. ഡൽഹി സ്വദേശി രഹാൻ ആണ് അറസ്റ്റിലായത്. യുവതി നൽകിയ പരാതിയുടെ അടിസ്ഥാനത്തിലാണ് നടപടി.
കഴിഞ്ഞ നവംബർ 22 മുതൽ ഇയാള്‍ യുവതിയെ ലൈംഗികമായി പിഡിപ്പിച്ചിരുന്നതായാണ് പരാതി. ബധിരയും, മൂകയുമായ യുവതി അമ്മയൊടൊപ്പമെത്തിയാണ് പരാതി നൽകിയത്. വിവർത്തകന്‍റെ സഹായത്തോടെ പൊലീസ് യുവതിയുടെ മൊഴി രേഖപെടുത്തി.
തുടർന്ന് പൊലീസ് നടത്തിയ അന്വേഷണത്തിലാണ് പ്രതി പിടിയിലായത്. കോടതിയിൽ ഹാജരാക്കിയ പ്രതിയെ ജുഡീഷ്യൽ കസ്‌റ്റഡിയിൽ വിട്ടു.
ALSO READ വഖഫ് ബോർഡ് നിയമനങ്ങൾ ഉടൻ പി.എസ്.സിക്ക് വിടില്ല; സമസ്‌ത നേതാക്കളുമായി നടന്ന ചർച്ചയിൽ ധാരണ
അതേസമയം രാജ്യ തലസ്ഥാനത്ത് സ്‌ത്രീകള്‍ക്കെതിരായ അക്രമം വർധിക്കുന്നതായാണ് കണക്കുകള്‍. പൊലീസിന്‍റെ രേഖകള്‍ പ്രകാരം ഈ വർഷം ഒക്ടോബർ 31 വരെ നഗരത്തിൽ 1,725 സ്ത്രീകള്‍ ബലാത്സംഗത്തിനിരയായി. 2020-ൽ 1,429 സ്ത്രീകൾക്ക് ക്രൂരമായ പീഡനങ്ങള്‍ നേരിടേണ്ടി വന്നു. 2020ൽ സ്ത്രീകൾക്കെതിരായ കുറ്റകൃത്യങ്ങളുടെ എണ്ണം 7,948 ആയിരുന്നത് ഈ വർഷം 11,527 ആയി ഉയർന്നതായും കണക്കുകള്‍ വ്യക്തമാക്കുന്നു.
ALSO READ ആശ്വാസത്തോടെ കേരളം: 8 പേര്‍ക്ക് ഒമിക്രോണ്‍ നെഗറ്റീവ്
