ന്യൂഡല്‍ഹി : കല്യാണ വാഗ്ദാനം നിരസിച്ചതിന് അയല്‍വാസിയും വിവാഹിതയുമായ യുവതിയെ 23 കാരന്‍ ആസിഡ് ഒഴിച്ച് കൊന്നു. ന്യൂഡല്‍ഹിയിലെ ബെവനയില്‍ നവംബര്‍ മൂന്നിനാണ് യുവതിക്കുനേരെ Acid Attack ഉണ്ടായത്. കൊലയാളി അരാപി മോണ്ടു (23) അറസ്റ്റിലായിട്ടുണ്ട്. അയല്‍വാസിയായ യുവതിയെ മോണ്ടു വീട്ടിലേക്ക് ക്ഷണിച്ച് വരുത്തി,വിവാഹിതയായ ഇവരോട് പ്രണയം തുറന്നുപറഞ്ഞു.
ഭര്‍ത്താവിനെ ഉപേക്ഷിച്ച് തനിക്കൊപ്പം വരണമെന്നായിരുന്നു ആവശ്യം. എന്നാല്‍ ഇത് യുവതി നിരസിച്ചു. ഇതില്‍ പ്രകോപിതനായ മോണ്ടു യുവതിയുടെ കയ്യും കാലും കെട്ടിയിട്ട് ആസിഡ് ഒഴിക്കുകയായിരുന്നു. തുടര്‍ന്ന് സംഭവ സ്ഥലത്ത് നിന്നും രക്ഷപ്പെട്ടു.
Also Read: പകുതിയില്‍ നിലച്ച 'സുകുമാര കുറുപ്പിന്‍റെ കൊട്ടാര സ്വപ്‌നം' പ്രേതബംഗ്ലാവായി മാറിയപ്പോൾ
യുവതിയുടെ അലര്‍ച്ച കേട്ട നാട്ടുകാരാണ് വിവരം പൊലീസിനെ അറിയിച്ചത്. സംഭവസ്ഥലത്ത് എത്തിയ പൊലീസ് ആദ്യം അടുത്തുള്ള സ്വകാര്യ ആശുപത്രിയിലും പിന്നീട് റാം മനോഹര്‍ ലോഹ്യ ആശുപത്രിയിലും യുവതിയെ എത്തിച്ചു.
എന്നാല്‍ ഗുരുതരമായി പൊള്ളലേറ്റ യുവതി ചികിത്സക്കിടെ തിങ്കളാഴ്ച മരിച്ചു. സംഭവത്തില്‍ കേസ് എടുത്ത പൊലീസ് നവംബര്‍ ആറിന് ബിറാഹിലെ ബക്സറില്‍ വച്ച് മോണ്ടുവിനെ അറസ്റ്റ് ചെയ്‌തു. യുവതി മരിച്ചതോടെ ഇയാളുടെ മേല്‍ കൊലപാതകക്കുറ്റം കൂടി ചുമത്തുകയായിരുന്നു.
