ലഖ്‌നൗ : ക്ലാസ്‌ റൂമിൽ മൊബൈൽ ഫോൺ ഉപയോഗിച്ചതിന് ശകാരിച്ച അധ്യാപകനെ മർദിച്ച് ഒമ്പതാം ക്ലാസ്‌ വിദ്യാർഥി. കംപ്യൂട്ടര്‍ അധ്യാപകനായ സയ്യദ് വാസിഖ് അലിക്ക് നേരെയാണ് ആക്രമണമുണ്ടായത്.
വിദ്യാർഥിയും സുഹൃത്തുക്കളായ രണ്ട് പേരും ചേർന്നാണ് അധ്യാപകനെ ആക്രമിച്ചത്. ഉത്തർ പ്രദേശ് - ഗോരഖ്‌പൂരിലെ ജൂബിലി ഇന്‍റർ കോളജിന് സമീപമാണ് സംഭവം.
കറുത്ത മുഖംമൂടികള്‍ ധരിച്ചെത്തിയാണ് മൂവരും അധ്യാപകനെ ആക്രമിച്ചത്. സ്‌കൂൾ സിസിടിവി ക്യാമറ ദൃശ്യങ്ങളിൽ നിന്ന് ഒമ്പതാം ക്ലാസ്‌ വിദ്യർഥിയെ തിരിച്ചറിഞ്ഞു.
READ MORE: ദുർമന്ത്രവാദം ആരോപിച്ച് 55 കാരിയെ അടിച്ചുകൊന്നു ; രണ്ട് പേർ അറസ്റ്റിൽ
അറസ്റ്റിലായ വിദ്യാർഥിയെ തുടർന്ന് ജുവനൈൽ ഹോമിലയിച്ചു. കേസിൽ മൂന്ന് പേർക്കെതിരെയും കൊലപാതക ശ്രമമാണ് ചുമത്തിയിരിക്കുന്നത്. കേസിലെ മറ്റ് രണ്ട് പേർക്കായുള്ള തിരച്ചിൽ തുടരുകയാണ്.
