ഹൈദരാബാദ്: ബാങ്കിൽ നിന്ന് 22.53 ലക്ഷം രൂപ കവർന്ന് ഉദ്യോഗസ്ഥൻ മുങ്ങി. ഹൈദരാബാദിലെ വനസ്ഥലിപുരത്തെ ബാങ്ക് ഓഫ് ബറോഡയുടെ സാഹിബ് നഗർ ബ്രാഞ്ചിൽ നിന്നാണ് 22.53 ലക്ഷം രൂപയുമായി ബാങ്കിലെ തന്നെ കാഷ്യറായ പ്രവീണ് കടന്നു കളഞ്ഞത്. ഇയാൾക്കായുള്ള അന്വേഷണം പൊലീസ് ഊർജിതമാക്കി.
ചൊവ്വാഴ്ച ഉച്ചക്ക് ശേഷം സുഖമില്ലാത്തതിനാൽ മരുന്ന് മേടിക്കാൻ പോവുകയാണെന്ന് പറഞ്ഞ് ഇയാൾ ബാങ്കിൽ നിന്ന് ഇറങ്ങിയ പ്രവീണ് പണവുമായി കടന്നു കളയുകയായിരുന്നു. വൈകുന്നേരം അക്കൗണ്ട് പരിശോധിക്കുമ്പോഴാണ് പണം നഷ്ടപ്പെട്ട വിവരം ബാങ്ക് ഉദ്യോഗസ്ഥരും അറിയുന്നത്. തുടർന്ന് ബാങ്ക് അധികൃതർ പൊലീസിൽ വിവരം അറിയിക്കുകയായിരുന്നു.
തുടർന്ന് പൊലീസ് കേസെടുത്ത് അന്വേഷണം ആരംഭിച്ചു. ഓൺലൈൻ ഗെയിമുകൾക്ക് അടിമയായ പ്രവീണിന് ഇതിലൂടെ വൻതുക നഷ്ടമായി പൊലീസ് സംശയിക്കുന്നുണ്ട്. ഇതിനെത്തുടർന്നാണ് മോഷണം നടത്തിയതെന്നാണ് പൊലീസിന്റെ നിഗമനം. ഇയാൾക്കായി സംസ്ഥനത്തുടനീളം പൊലീസ് തെരച്ചിൽ ആരംഭിച്ചു.