രേവാരി (ഹരിയാന): കാറും ട്രക്കും കൂട്ടിയിടിച്ച് അഞ്ച് പേർ മരിച്ചു. ഭാനുറാം (35), മഹേന്ദ്ര (33), ആശിഷ് (15), സുഗ്മ ദേവി (35), ഭോരി ദേവി (95) എന്നിവരാണ് മരിച്ചത്. ഡൽഹി-ജയ്‌പൂർ ഹൈവേയിലാണ് അപകടമുണ്ടായത്.
17 പേരാണ് കാറിൽ ഉണ്ടായിരുന്നത്. പരിക്കേറ്റ 12 പേരെ ആശുപത്രിയിൽ പ്രവേശിപ്പിച്ചു. ജയ്‌പൂർ ജില്ലയിലെ സമോദ് ഗ്രാമത്തിൽ നിന്നുള്ള കുടുംബം ഇന്ന് (17.05.2022) പുലർച്ചെ ഹരിദ്വാറിൽ നിന്ന് മടങ്ങും വഴിയാണ് അപകടം സംഭവിച്ചത്.
ട്രക്ക് ഡ്രൈവർ സംഭവ സ്ഥലത്ത് നിന്ന് ഓടി രക്ഷപ്പെട്ടു. പൊലീസ് സ്ഥലത്തെത്തി അന്വേഷണം ആരംഭിച്ചു.
