ബുലന്ദ്‌ഷഹർ : മൂന്ന് വയസുകാരിയെ ബലാത്സംഗം ചെയ്‌ത പിതൃസഹോദരന്‍ പിടിയില്‍. ഉത്തര്‍പ്രദേശിലെ ബുലന്ദ്‌ഷഹർ ജില്ലയിലെ അനൂപ്‌ഷഹര്‍ പൊലീസ് സ്റ്റേഷന്‍ പരിധിയില്‍ ഞായറാഴ്‌ചയാണ് സംഭവം. വീട്ടിൽ തനിച്ചായിരുന്ന കുട്ടിയെ ഭർതൃസഹോദരന്‍ പീഡിപ്പിക്കുകയായിരുന്നുവെന്ന് മൂന്നുവയസുകാരിയുടെ അമ്മ നല്‍കിയ പരാതിയിൽ പറയുന്നു.
വീട്ടില്‍ തിരിച്ചെത്തിയ യുവതി ഇക്കാര്യം കണ്ടതോടെ തടഞ്ഞു. ഈ സമയം പ്രതി യുവതിയെ മർദിച്ചതായും പരാതിയില്‍ പറയുന്നു. പെൺകുട്ടിയുടെ പിതാവ് പ്രതിയെ പിടികൂടിയെങ്കിലും ഇയാൾ കടന്നുകളഞ്ഞു. പിന്നീട്, പൊലീസ് പിടികൂടിയ പ്രതിക്കെതിരെ പോക്‌സോ വകുപ്പുള്‍പ്പടെ ചേര്‍ത്ത് കേസെടുത്തു.
