പട്ന: ബിഹാര്‍ പൊലീസിലെ ആദ്യ ട്രാന്‍സ്‌ജെൻഡര്‍ കോണ്‍സ്റ്റബിളായി രചിത്ത് രാജ് (23). കൈമൂര്‍ ജില്ലയിലെ കോണ്‍ഫിഡന്‍ഷ്യല്‍ ബ്രാഞ്ച് എസ്‌പി ഓഫിസറായാണ് നിയമനം. പെണ്‍കുട്ടിയായായിരുന്നു രചിത് രാജിന്‍റെ ജനനം. എന്നാല്‍ ആണ്‍കുട്ടികളുടെ പെരുമാറ്റത്തോടെയായിരുന്നു വളര്‍ന്നത്. ഇതോടെ സമൂഹത്തില്‍ നിന്നും ഒറ്റപ്പെട്ടു തുടങ്ങി. പലരും തന്നെ കളിയാക്കിയെന്നും രചിത്ത് പറഞ്ഞു.
17ാം വയസില്‍ പുരുഷ ശരീരം മതിയെന്നും സ്ത്രീ ശരീരത്തില്‍ നിന്നും മോചനം നേടണമെന്നും തീരുമാനിച്ചു. ഇതോടെ ഇതിനായുള്ള ശ്രമം ആരംഭിച്ചു. സമൂഹത്തില്‍ നിന്നും നിയമപരമായും ട്രാന്‍സ്‌ജെൻഡറാകാനയിരുന്നു അടുത്ത ശ്രമം. ഇതോടെ കോടതിയില്‍ താന്‍ ട്രാന്‍സ്‌ജെൻഡറാണെന്ന സത്യവാങ്മൂലം സമര്‍പ്പിച്ചു. തുടര്‍ന്നാണ് പൊലീസ് സേനയില്‍ ചേരാന്‍ അപേക്ഷ കൊടുത്തതെന്നും രചിത്ത് പറഞ്ഞു.
കൂടുതല്‍ വായനക്ക്: മുഖ്യമന്ത്രി കാര്യങ്ങൾ ശരിയായി മനസിലാക്കിയിട്ടില്ലെന്ന് സുരേഷ് ഗോപി
ബിഹാറില്‍ ട്രാന്‍സ്‌ജെൻഡറെന്ന് സര്‍ക്കാര്‍ സ്ഥാപനങ്ങളില്‍ അടയാളപ്പെടുത്താനാവില്ല. അതിനാല്‍ തന്നെ തന്‍റെ സ്കൂള്‍ സര്‍ട്ടിഫിക്കറ്റില്‍ പെണ്‍കുട്ടി എന്നാണ് രേഖപ്പെടുത്തിയതെന്നും രചിത്ത് പറഞ്ഞു. പൊലീസ് പരിശീലനം പൂര്‍ത്തിയാക്കി. ജോലിസ്ഥലത്ത് സഹപ്രവര്‍ത്തകരില്‍ നിന്നും നല്ല സമീപനമാണ് ലഭിക്കുന്നതെന്നും. ജോലിയില്‍ സന്തോഷമുണ്ടെന്നും രചിത്ത് കൂട്ടിച്ചേര്‍ത്തു.
