ഹൈദരാബാദ്: തെലങ്കാന എം.പി ജോഗിനിപള്ളി സന്തോഷ് കുമാറിന്റെ വ്യാജ ഫേസ്ബുക്ക് അക്കൗണ്ട് ഉപയോഗിച്ച് പണം തട്ടാൻ ശ്രമിച്ച 17കാരൻ പിടിയിൽ.
ഉത്തർപ്രദേശിലെ മഥുര സ്വദേശിയായ 17കാരൻ വ്യാജ ഫേസ്ബുക്ക് അക്കൗണ്ട് ഉപയോഗിച്ച് ഫേസ്ബുക്ക് സുഹൃത്തിൽ നിന്ന് 50,000 രൂപ ആവശ്യപ്പെടുകയായിരുന്നു. എം.പിയായി വേഷമിട്ട കുട്ടി ചികിത്സാ ചെലവുകൾക്കായി 50,000 രൂപ ഓൺലൈൻ കൈമാറ്റം ചെയ്യണമെന്നും താൻ ഭോപാലിലെ ആശുപത്രിയിൽ ചികിത്സയിലാണെന്നും സന്ദേശം അയച്ചു. എന്നാൽ സംശയം തോന്നിയ സുഹൃത്ത് പൊലീസിൽ പരാതിപ്പെടുകയായിരുന്നു. കഴിഞ്ഞ ദിവസമാണ് കുട്ടിയെ പിടികൂടിയത്.