ന്യൂഡൽഹി: ജാമിയ മിലിയയിലെ പൊലീസ് അതിക്രമത്തിന്‍റെ സിസിടിവി ദൃശ്യങ്ങൾ പരിശോധിക്കുന്നതിനായി ഡൽഹി പൊലീസിന്‍റെ പ്രത്യേക അന്വേഷണ വിഭാഗം ജാമിയ മിലിയയിലെത്തി. ഡിസിപി രാജേഷ് ദേവിന്‍റെ നേതൃത്വത്തിലുള്ള സംഘമാണ് കാമ്പസിലെത്തിയത്. സംഘം മൂന്ന് മണിക്കൂറോളം കാമ്പസിൽ ചെലവഴിക്കുകയും ഉദ്യോഗസ്ഥരുമായും വിദ്യാർഥികളുമായും സംവദിക്കുകയും ചെയ്തു.
സി.എ.എ-എന്‍.ആര്‍.സി വിരുദ്ധ സമരത്തിനിടെ ജാമിയ മിലിയ യൂണിവേഴ്‌സിറ്റിയിലെ വിദ്യാർഥികളെ ലൈബ്രറിയിൽ വച്ച് പൊലീസ് ക്രൂരമായി മർദ്ദിക്കുന്നതിന്‍റെ സിസിടിവി ദൃശ്യങ്ങളാണ് പുറത്ത് വന്നത്. ഡിസംബര്‍ 15ന് ലൈബ്രറിയിലെ ഒന്നാം നിലയിലെ എം.എ എം.ഫിൽ സെക്ഷനിലാണ് പൊലീസ് ആക്രമണം നടത്തിയത്.
