ബാംഗ്ലൂർ/ചെന്നൈ: എസ്‌ഐ വിൽ‌സൺ കൊലപാതക കേസുമായി ബന്ധപ്പെട്ട് ഒരാളെ കൂടി പൊലീസ് അറസ്റ്റു ചെയ്തു. ഇജാസ് ബാദ്ഷ എന്നയാളെയാണ് അന്വേഷണ സംഘം പിടികൂടിയത്. തമിഴ്നാട് പൊലീസിന്‍റെ ക്യൂ ബ്രാഞ്ച് ബംഗ്ലൂരുവില്‍ നിന്നാണ് ഇയാളെ കസ്റ്റഡിയിലെടുത്തത്. പിന്നീട് ഇജാസിനെ തമിഴ്നാടിലെത്തിച്ചു. അന്വേഷണ സംഘം ഇജാസിനെ ചോദ്യം ചെയ്ത് വരികയാണ്.
പൊലീസുകാരനെ വധിച്ച പ്രതികള്‍ക്ക് ആയുധം എത്തിച്ചത് ഇജാസാണെന്നാണെന്നാണ് പൊലീസ് പറയുന്നത്. പ്രതികള്‍ക്ക് ബംഗ്ലൂരുവില്‍ വെച്ചാണ് ഇയാള്‍ ആയുധം കൈമാറിയതെന്നും ഇജാസിന് മുംബൈയില്‍ നിന്നാണ് ആയുധം ലഭിച്ചതെന്നും തീവ്രവാദ സംഘടനകളില്‍ ഇജാസ് അംഗമാണെന്നുമാണ് അന്വേഷണ ഉദ്യോഗസ്ഥര്‍ പുറത്തുവിടുന്ന വിവരം. കേസിൽ നേരത്തെ ഖാജാ മൈദീൻ, സയ്യിദ് മുഹമ്മദ് നവാസ്, അബ്ദുല്‍ സമദ് എന്നിവരെ പിടികൂടിയിട്ടുണ്ട്.
