ന്യൂ ഡല്‍ഹി: റെയില്‍വെ ഇ ടിക്കറ്റുകള്‍ റദ്ദാക്കിയാല്‍ യാത്രക്കാര്‍ക്ക് പണം റീഫണ്ട് ചെയ്യുന്നതിന് പുതിയ സംവിധാനം ഒരുക്കി ഇന്ത്യന്‍ റെയില്‍വേ കാറ്ററിങ് ആന്‍ഡ് ടൂറിസം കോര്‍പ്പറേഷന്‍ ലിമിറ്റഡ്.പുതിയ സംവിധാനം ഇ ടിക്കറ്റുകള്‍ക്കും ഐ.ആര്‍.സി.ടി.സി അംഗീകൃത ഏജന്‍റുമാര്‍ മുഖേന ബുക്ക് ചെയ്യുന്ന ഇ-ടിക്കറ്റുകള്‍ക്കും മാത്രമാണ് ലഭിക്കുക.
ഒ.ടി പി അഥവാ ഒറ്റത്തവണ പാസ്‌വേർഡ് സംവിധാനമാണ് ടിക്കറ്റ് റദ്ദാക്കുന്നവർക്കായി റെയില്‍വെ പുതുതായി ഒരുക്കിയിട്ടുള്ളത്. വെയിറ്റിങ് ലിസ്റ്റിലുള്ള ടിക്കറ്റ് റദ്ദാക്കിയാല്‍ ഉപഭോക്താവിന്‍റെ ഐ.ആര്‍.ടി.സിയില്‍ രജിസ്റ്റര്‍ ചെയ്ത മൊബൈല്‍ നമ്പറിലേക്ക് ഒ.ടി.പി ലഭിക്കും. ഈ ഒ.ടി.പി ഏജന്‍റിന് കൈമാറിയാല്‍ പണം തിരികെ ലഭിക്കും.റെയില്‍വേയുടെ സുതാര്യത ഉറപ്പുവരുത്തുന്നതിനും റീഫണ്ട് സംവിധാനങ്ങള്‍ ഉപഭോക്ത സൗഹൃദമാക്കുന്നതിനും വേണ്ടിയാണ് പുതിയ ചുവടുവെപ്പ്.
തുക കൃത്യമായി തിരികെ ലഭിക്കുന്നതിന് ടിക്കറ്റ് ബുക്ക് ചെയ്യുന്ന സമയത്ത് കൃത്യമായ ഫോണ്‍ നമ്പര്‍ നല്‍കണമെന്നും അധികൃതര്‍ അറിയിച്ചു.
