ജമ്മു: തെക്കൻ കശ്‌മീരിലെ പുൽവാമ ജില്ലയിലെ ദാദുരയിൽ ശനിയാഴ്ച നടന്ന ഏറ്റുമുട്ടലിൽ രണ്ട് തീവ്രവാദികൾ കൊല്ലപ്പെട്ടു. പൊലീസ്, ആർമി, സിആർ‌പി‌എഫ് എന്നിവയുടെ സംയുക്ത തിരച്ചിലിലാണ് തീവ്രവാദികൾ കൊല്ലപ്പെട്ടത്. സംയുക്ത സംഘം സ്ഥലം വളഞ്ഞപ്പോൾ ഒളിച്ചിരുന്ന തീവ്രവാദികൾ സൈന്യത്തിന് നേരെ വെടിയുതിർക്കുകയായിരുന്നു. ഏറ്റുമുട്ടൽ ഇപ്പോഴും തുടരുന്നു.
പുൽവാമയിലുണ്ടായ ഏറ്റുമുട്ടലിൽ രണ്ട് തീവ്രവാദികൾ കൊല്ലപ്പെട്ടു
12 മണിക്കൂറിനുള്ളിൽ തെക്കൻ കശ്‌മീരിൽ നടക്കുന്ന രണ്ടാമത്തെ ഏറ്റുമുട്ടലാണിത്. നേരത്തെ കുൽഗാമിൽ സുരക്ഷാ സേനയുമായി നടത്തിയ ഏറ്റുമുട്ടലിൽ രണ്ട് തീവ്രവാദികൾ കൊല്ലപ്പെട്ടിരുന്നു.
