ലക്നൗ: നരേന്ദ്ര മോദി കാശി വിശ്വനാഥ ക്ഷേത്രത്തില്‍ ദര്‍ശനം നടത്തി. പ്രത്യേക പൂജയും നടത്തി. വാരാണസിയില്‍ എത്തിയ മോദിക്ക് ഉജ്ജ്വല വരവേല്‍പ്പാണ് പ്രവര്‍ത്തകര്‍ ഒരുക്കിയിരിക്കുന്നത്. രാവിലെ പത്ത് മണിക്ക് വാരാണസി വിമാനത്താവളത്തില്‍ എത്തിയ മോദിയെ ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന്‍റെ നേതൃത്വത്തില്‍ സ്വീകരിച്ചു. തുടര്‍ന്ന് റോഡ് മാര്‍ഗമാണ് കാശി വിശ്വനാഥ ക്ഷേത്രത്തില്‍ എത്തിയത്.
കഴിഞ്ഞ തെരഞ്ഞെടുപ്പിനേക്കാള്‍ ഒരുലക്ഷം വോട്ടുകള്‍ കൂടുതല്‍ നേടിയാണ് മോദി ഇത്തവണ വാരാണസിയില്‍ നിന്ന് ജയിച്ചത്. 4.79 ലക്ഷം വോട്ടിന്‍റെ ഭൂരിപക്ഷത്തോടെയായിരുന്നു ഇത്തവണ മോദിയുടെ ജയം. പാര്‍ട്ടി പ്രവര്‍ത്തകര്‍ നല്‍കുന്ന സ്വീകരണത്തില്‍ നരേന്ദ്രമോദി പങ്കെടുക്കും.
നരേന്ദ്രമോദി വാരാണസിയില്‍; കാശി വിശ്വനാഥ ക്ഷേത്രത്തില്‍ ദര്‍ശനം നടത്തി
