എല്ലാ സൗകര്യങ്ങളോടും കൂടിയുള്ളതായിരിക്കും പുതിയ ടെര്‍മിനല്‍. ജമ്മു കാശ്മീരിന്‍റെയും ലഡാക്കിന്‍റെയും പൈതൃകവും പാരമ്പര്യവും വിളിച്ചോതുന്ന രീതിയിലുള്ള കരകൗശലങ്ങളും ടെര്‍മിനലിന്‍റെ അലങ്കാരത്തിനായി നിര്‍മ്മിക്കും. രാജ്യത്തെ പ്രധാന നഗരങ്ങളിലേക്കെല്ലം ഇവിടെ നിന്ന് സര്‍വ്വീസുകള്‍ ഉണ്ടായിരിക്കുന്നതാണ്. ജമ്മുവിന്‍റെ വികസനത്തിന് ലെഹ് എയര്‍പോര്‍ട്ട് ഒരു നാഴികക്കല്ലായിരിക്കുമെന്നും ഇദ്ദേഹം കൂട്ടിച്ചേര്‍ത്തു.
കഴിഞ്ഞ ദിവസമാണ് പ്രധാനമന്ത്രി നരേന്ദ്ര മോദി പുതുയ ടെര്‍മിനലിന്‍റെ തറക്കല്ല് സ്ഥാപിച്ചത്. ഇതിന് പുറമെ ലഡാക്കിലെ ആദ്യ യൂണിവേഴ്സിറ്റിക്കും മോദി തറക്കല്ലിട്ടു.
