മുംബൈ: മുംബൈയിൽ കൊറോണ വൈറസ് ബാധയെന്ന് സംശയിക്കുന്ന 36കാരനെ നഗരത്തിലെ ആശുപത്രിയിൽ പ്രവേശിപ്പിച്ചതായി റിപ്പോർട്ട്. തെക്കൻ മുംബൈയിലെ ടാർഡിയോ സ്വദേശിയായ ഇയാൾ ഇപ്പോൾ മുംബൈ കസ്‌തൂർബ ആശുപത്രിയിൽ നിരീക്ഷണത്തിലാണ്.
മുംബൈ വിമാനത്താവളത്തിലെത്തിയ മൂന്ന് യാത്രക്കാരെ കൊറോണ വൈറസ് ബാധയെന്ന സംശയത്തിൽ കഴിഞ്ഞ ദിവസം ആശുപത്രിയിൽ പ്രവേശിപ്പിച്ചിരുന്നു.
ചൈനയിലെ വുഹാൻ നഗരത്തിൽ കൊറോണ വൈറസ് സ്ഥിരീകരിച്ച സാഹചര്യത്തിൽ ജനുവരി 24 വരെ 2,700 യാത്രക്കാരെ ഛത്രപതി ശിവാജി മഹാരാജ് അന്താരാഷ്‌ട്ര വിമാനത്താവളത്തിൽ പരിശോധനക്ക് വിധേയരാക്കിയിരുന്നു. എന്നാൽ മഹാരാഷ്‌ട്രയിൽ ഇത് വരെ കൊറോണ സ്ഥിരീകരിച്ചിട്ടില്ല.
