ജമ്മുകശ്മീര്‍ വിഭജനം പൂര്‍ണം; ബില്ല് ലോക്സഭയും പാസാക്കി

370-ാം വ​കു​പ്പ് എ​ടു​ത്തു ​ക​ള​ഞ്ഞു കൊണ്ടുള്ള പ്രമേയത്തെ 424 അംഗ ലോക്സഭയിൽ 351 പേർ അനുകൂലിച്ചു. 72 പേർ എതിർത്ത് വോട്ട് ചെയ്തപ്പോൾ ഒരാൾ വിട്ടുനിന്നു

ന്യൂഡല്‍ഹി: ജ​മ്മു-​ക​ശ്​​മീ​രി​ന്​​ പ്ര​ത്യേ​ക പ​ദ​വി ന​ൽ​കി​യ ഇ​ന്ത്യ​ൻ ഭ​ര​ണ​ഘ​ട​ന​യു​ടെ 370-ാം വ​കു​പ്പ് എ​ടു​ത്തു​ക​ള​ഞ്ഞു കൊണ്ടുള്ള കേ​​ന്ദ്ര സ​ർ​ക്കാ​ർ പ്രമേയം ലോക്സഭ​ പാസാക്കി. നി​ല​വി​ലെ ജ​മ്മു-​ക​ശ്​​മീ​ർ സം​സ്​​ഥാ​നം ഇ​ല്ലാ​താ​ക്കി ജ​മ്മു-​ക​ശ്​​മീ​ർ, ല​ഡാ​ക്ക്​​ എ​ന്നീ ര​ണ്ടു​​ കേ​ന്ദ്ര ഭ​ര​ണ പ്ര​ദേ​ശ​ങ്ങ​ളാ​ക്കു​ന്ന നി​യ​മ നി​ർ​മാ​ണ​വും ലോക്​സ​ഭ​യി​ൽ പാ​സാ​യി. 370-ാം വ​കു​പ്പ് എ​ടു​ത്തു ​ക​ള​ഞ്ഞു കൊണ്ടുള്ള പ്രമേയത്തെ 424 അംഗ ലോക്സഭയിൽ 351 പേർ അനുകൂലിച്ചു. 72 പേർ എതിർത്ത് വോട്ട് ചെയ്തപ്പോൾ ഒരാൾ വിട്ടുനിന്നു. മൂന്നിൽ രണ്ട് ഭൂരിപക്ഷത്തിലാണ് പ്രമേയം പാസായത്. ജ​മ്മു-​ക​ശ്​​മീ​ർ, ല​ഡാ​ക്ക്​​ എ​ന്നീ ര​ണ്ടു​​ കേ​ന്ദ്ര ഭ​ര​ണ പ്ര​ദേ​ശ​ങ്ങ​ളാ​ക്കു​ന്ന നി​യ​മ നി​ർ​മാ​ണ​ത്തെ 434 അംഗ സഭയിൽ 367 പേർ പിന്തുണച്ചു. 67 പേർ എതിർത്തു. ജമ്മു കശ്മീരിന് പ്രത്യേക പദവി നല്‍കുന്ന വകുപ്പാണ് 370. ഇതോടൊപ്പം ജമ്മു കശ്മീരിലെ പൗരന്മാര്‍ക്ക് പ്രത്യേകാവകാശങ്ങള്‍ നല്‍കുന്ന 35എ വകുപ്പും റദ്ദായി.
ജ​മ്മു-​ക​ശ്​​മീ​ർ വി​ഭ​ജി​ക്കു​ന്ന​തി​നൊ​പ്പം ലോ​ക്​​സ​ഭ, നി​യ​മ​സ​ഭ മ​ണ്ഡ​ലാ​തി​ർ​ത്തി പു​ന​ർ​നി​ർ​ണ​യം ന​ട​ക്കും. അ​തി​ന​നു​സ​രി​ച്ചാ​ണ്​ ഇ​നി തെ​ര​ഞ്ഞെ​ടു​പ്പ്. ഈ ​ന​ട​പ​ടി​ക​ൾ പൂ​ർ​ത്തി​യാ​വു​ന്ന​തു​വ​രെ തെ​ര​ഞ്ഞെ​ടു​പ്പു പ്ര​ക്രി​യ നീ​ണ്ടു​പോ​കും. ഇ​പ്പോ​ൾ രാ​ഷ്​​ട്ര​പ​തി ഭ​ര​ണ​ത്തി​ലാ​ണ്​ ജ​മ്മു-​ക​ശ്​​മീ​ർ.
ജമ്മു കശ്മീരിനായി നിയമങ്ങൾ നിർമിക്കാൻ പാർലമെന്‍റിന് അവകാശമുണ്ടെന്ന് കേന്ദ്ര ആഭ്യന്തര മന്ത്രി അമിത് ഷാ ബില്ലവതരിപ്പിക്കവെ ലോക്സഭയില്‍ പറഞ്ഞു. ജമ്മുകശ്മീർ രാജ്യത്തിന്‍റെ അവിഭാജ്യ ഘടകമാണ്. പാക് അധിനിവേശ കശ്മീരും ഇന്ത്യയുടെ ഭാഗമാണ്. ഈ മേഖലയ്ക്ക് വേണ്ടി ജീവൻ നല്‍കാൻ തയ്യാറാണെന്നും അമിത് ഷാ ലോക്സഭയില്‍ പറഞ്ഞു. പാക് അധിനിവേശ കശ്മീരും അക്സായ് ചൈനും ഉൾപ്പെടുന്നതാണ് ജമ്മുകശ്മീരിന്‍റെ അതിർത്തിയെന്ന് ഭരണഘടനയില്‍ രേഖപ്പെടുത്തിയിട്ടുണ്ട്. എന്നാല്‍ കോൺഗ്രസിന്‍റെ പ്രതികരണം കശ്മീർ ഇന്ത്യയുടെ ഭാഗമല്ലെന്ന നിലയിലാണെന്നും ഷാ പാർലമെന്‍റില്‍ പറഞ്ഞു.
നിയമങ്ങൾ തെറ്റിച്ച് ഒറ്റ രാത്രികൊണ്ട് ജമ്മു കശ്മീർ സംസ്ഥാനത്തെ രണ്ട് കേന്ദ്രഭരണ പ്രദേശങ്ങളായി മാറ്റിയെന്ന കോൺഗ്രസ് നേതാവ് അധിർരഞ്ജൻ ചൗധരിയുടെ വിമർശനത്തിനും ഷാ മറുപടി പറഞ്ഞു. കശ്മീർ ആഭ്യന്തര വിഷയമാണോ എന്നഅധിർ രഞ്ജൻ ചൗധരിയുടെ ആരോപണത്തിന് യുഎൻ ഇടപെടലാണോ കോൺഗ്രസ് ഉദ്ദേശിക്കുന്നതെന്ന് അമിത് ഷാ തിരിച്ചടിച്ചു. ഇത് ഭരണ ഘടനാ ദുരന്തമാണെന്നും രാജ്യത്തിന്‍റെ ഫെഡറല്‍ സംവിധാനത്തിന് കനത്ത തിരിച്ചടിയാണെന്നും കോൺഗ്രസ് നേതാവ് മനീഷ് തിവാരി ആരോപിച്ചു.