റാഞ്ചി:അൽ ഖ്വയ്ദ തീവ്രവാദി മുഹമ്മദ് കലിമുദ്ദിൻ മുജാഹിരിയെ ജാർഖണ്ഡ് പൊലീസിൻ്റെ ഭീകരവാദ വിരുദ്ധ സ്ക്വാഡ് (എടിഎസ്) അറസ്റ്റ് ചെയ്തതായി റിപ്പോർട്ട്. അൽ ഖ്വയ്ദ കൊടും കുറ്റവാളികളിലൊരാളാണ് കലിമുദ്ദീൻ. ടാറ്റനഗർ റെയിൽവെ സ്റ്റേഷനിൽ നിന്നാണ് ഇയാളെ അറസ്റ്റ് ചെയ്തത്.
ജംഷദ്‌പൂർ നിവാസിയായ ഇയാൾ മൂന്ന് വർഷമായി ഒളിവിലായിരുന്നു.ജംഷദ്‌പൂരിൽ ഇന്ത്യൻ പീനൽ കോഡിലെ വിവിധ വകുപ്പുകൾ പ്രകാരം നിരവധി കേസുകൾ രജിസ്റ്റർ ചെയ്തിട്ടുണ്ട്. ഇയാളുടെ കൂട്ടാളികളായ മുഹമ്മദ് അബ്ദുൾ റഹ്മാൻ അലി, ഹൈദർ, കട്കി, അബ്ദുൾ സാമി, ഉജ്ജൈർ, ഹസൻ എന്നിവർ തീഹാർ ജയിലിലാണ്.
