ജയ്പൂർ: രാജസ്ഥാനിലെ ഫത്തേഗ്‌പൂരിൽ കന്നുകാലികളെ മോഷ്ടിക്കാൻ ഗൂഢാലോചനയെന്നാരോപിച്ച് മൂന്ന് ദലിത് യുവാക്കൾക്ക് മർദനം. കന്നുകാലികളെ മോഷ്ടിക്കാൻ പദ്ധതിയിട്ടത് ശ്രദ്ധയിൽപ്പെട്ടെന്നും മോഷണത്തിന് മുൻപ് ഇവരെ കൈയ്യോടെ പിടികൂടിയെന്നുമാണ് ഗ്രാമവാസികൾ പറയുന്നത്. അതേസമയം യുവാക്കളെ മർദിക്കുന്ന വീഡിയോയും വൈറലാണ്.
മോഷണം നടത്താൻ പദ്ധതിയിട്ടെന്ന് ആരോപിച്ച് ദലിത് യുവാക്കൾക്ക് മർദനം
എന്നാൽ മോഷണ ശ്രമത്തിൽ ആദ്യം യുവാക്കൾക്കെതിരെ കേസെടുത്ത പൊലീസ് എസ്‌സി-എസ്ടി സെൽ മേധാവി ഗ്രാമത്തിലെത്തി അന്വേഷണം നടത്തിയ ശേഷമാണ് മർദിച്ചവരെ അറസ്റ്റ് ചെയ്യാൻ തയ്യാറായത്. നേരത്തെയും രണ്ട് തവണ ഇത്തരത്തിൽ സംഭവിച്ചിട്ടുള്ളതായി അന്വേഷണത്തിൽ കണ്ടെത്തി.
