ഗാന്ധിനഗർ: ഗുജറാത്തിൽ എംഎൽഎക്ക് കൊവിഡ് സ്ഥിരീകരിച്ചു. ഗുജറാത്ത് പ്രദേശ് കോൺഗ്രസ് കമ്മിറ്റി അധ്യക്ഷൻ അമിത് ചാവ്‌ദയാണ് ഇക്കാര്യം അറിയിച്ചത്. ഗുജറാത്ത് മുഖ്യമന്ത്രി വിജയ്‌ രൂപാണി പങ്കെടുത്ത യോഗത്തിൽ എംഎൽഎ പങ്കെടുത്തിരുന്നു. എം‌എൽ‌എയുടെ അടുത്ത് നിന്ന് 15-20 അടി അകലെയാണ് മുഖ്യമന്ത്രി ഇരുന്നതെന്നും, ആരോഗ്യ പ്രവർത്തകരുടെ നിർദ്ദേശങ്ങൾക്കനുസരിച്ച് കൂടുതൽ തീരുമാനമെടുക്കുമെന്നും മുഖ്യമന്ത്രിയുടെ സെക്രട്ടറി അശ്വിനി കുമാർ വ്യക്തമാക്കി.
അഹമ്മദാബാദിൽ 350 ലധികം പേർക്ക് കൊവിഡ് സ്ഥിരീകരിച്ചു. രോഗികളിൽ പകുതിയിലധികം പേരും ഗുജറാത്തിലെ നഗരപ്രദേശങ്ങളിൽ നിന്നുള്ളവരാണ്.
