ജയ്‌പൂർ: ജയ്‌പൂർ ജില്ലയിലെ ഘതി ഘാൻശ്യാംപൂരിൽ വെട്ടുകിളികളെ കൊല്ലുന്നതിനായി കീടനാശിനി തളിച്ചു. പാകിസ്ഥാൻ വെട്ടുകിളികളുടെ പുതിയ പ്രജനന കേന്ദ്രമായി മാറിയിരിക്കുകയാണെന്നും പാകിസ്ഥാന്‍റെ സമീപ പ്രദേശങ്ങളിൽ നിന്നാണ് വെട്ടുകിളികള്‍ രാജസ്ഥാനിലേക്ക് പ്രവേശിക്കുന്നുതെന്നും രാജസ്ഥാനിലെ കാർഷിക വകുപ്പ് ഡെപ്യൂട്ടി ഡയറക്‌ടർ ബി ആർ കദ്വ പറഞ്ഞു.
ഈ വർഷം ആദ്യം രാജസ്ഥാനിലെ വിവിധ ഭാഗങ്ങളില്‍ വെട്ടുകിളി ആക്രമണം റിപ്പോർട്ട് ചെയ്‌തിരുന്നു. മെയ്-ജൂൺ മാസങ്ങളിലും വെട്ടുകിളി ആക്രമണം ഉണ്ടാവുമെന്ന് കേന്ദ്ര കൃഷി, കർഷകക്ഷേമ മന്ത്രാലയം മുന്നറിയിപ്പ് നൽകിയിരുന്നു.
