ന്യൂഡൽഹി: ഫിനാൻഷ്യൽ ആക്ഷൻ ടാസ്‌ക് ഫോഴ്‌സിന്‍റെ (എഫ്എടിഎഫ്) കരിമ്പട്ടികയിൽ നിന്ന് പുറത്തിറങ്ങാനുള്ള ശ്രമത്തിനിടെ ഇന്ത്യയുടെ മോസ്റ്റ് വാണ്ടഡ് തീവ്രവാദിയായ ദാവൂദ് ഇബ്രാഹിം കറാച്ചിയിൽ താമസിക്കുന്നതായി പാകിസ്ഥാൻ സമ്മതിച്ചു. പ്രധാനമന്ത്രി ഇമ്രാൻ ഖാന്‍റെ പാകിസ്ഥാൻ തെഹ്രീക് ഐ ഇൻസാഫ് (പിടിഐ) സർക്കാർ ഓഗസ്റ്റ് 18ന് രണ്ട് വിജ്ഞാപനങ്ങൾ പുറപ്പെടുവിച്ചു. ജമാഅത്ത് ഉദ്-ദാവ (ജുഡി), ജയ്ഷ്-ഇ-മുഹമ്മദ് (ജെഎം), താലിബാൻ, ദേഷ്, ഹഖാനി ഗ്രൂപ്പ് , അൽ ക്വയ്ദ എന്നിവയ്ക്ക് വിലക്ക് ഏർപ്പെടുത്തി കൊണ്ടുള്ളതായിരുന്നു വിജ്ഞാപനങ്ങൾ.
പാക്കിസ്ഥാൻ-അഫ്ഗാൻ അതിർത്തി പ്രദേശങ്ങളിൽ ഒളിച്ചിരിക്കുന്ന എല്ലാ നേതാക്കൾക്കും പ്രവർത്തനരഹിതമായ തെഹ്രീക്-ഇ-താലിബാൻ പാകിസ്ഥാൻ (ടിടിപി) അംഗങ്ങൾക്കും സമ്പൂർണ വിലക്ക് ഏർപ്പെടുത്തിയതായി ദി ന്യൂസ് ഇന്‍റർനാഷണൽ റിപ്പോർട്ട് ചെയ്തു. ജമാഅത്ത് ഉദ് ദാവയിലെ ഹാഫിസ് സയീദ് അഹ്മദ്, ജയ്ഷ് ഇ മുഹമ്മദിന്‍റെ മുഹമ്മദ് മസൂദ് അസ്ഹർ, മുല്ല ഫസുള്ള (മുല്ല റേഡിയോ), സകിയൂർ റഹ്മാൻ ലഖ്‌വി, മുഹമ്മദ് യഹ്യാ മുജാഹിദ്, അബ്ദുൽ ഹക്കീം മുറാദ്, ഇന്റർപോൾ, നൂർ ഉസ്ബെക്കിസ്ഥാൻ ലിബറേഷൻ മൂവ്‌മെന്‍റിന്‍റെ ഷാ, താലിബാൻ നേതാക്കളായ ജലാലുദ്ദീൻ ഹഖാനി, ഖലീൽ അഹ്മദ് ഹഖാനി, യഹ്യാ ഹഖാനി, ദാവൂദ് ഇബ്രാഹിം, അദ്ദേഹത്തിന്‍റെ കൂട്ടാളികൾ എന്നിവർക്കാണ് വിലക്ക് ഏർപ്പെടുത്തിയത്.
1993 ലെ മുംബൈ ബോംബാക്രമണവുമായി ബന്ധപ്പെട്ട് ദാവൂദ് ഇബ്രാഹിമിനെ കൈമാറാൻ ഇന്ത്യ ദീർഘകാലമായി പാകിസ്ഥാനോട് ആവശ്യപ്പെട്ടുകൊണ്ടിരുന്നു. അങ്ങനെയിരിക്കെ, പാരിസ് ആസ്ഥാനമായുള്ള എഫ്എടിഎഫ് 2018ൽ പാകിസ്ഥാനെ ചാര പട്ടികയിൽ ഉൾപ്പെടുത്തിയി. സമയപരിധി 2019 അവസാനിക്കാനിരിക്കെ കൊവിഡ് -19 കണക്കിലെടുത്ത് ഇത് നീട്ടി.
ആഗോള പണമിടപാട്, തീവ്രവാദ പ്രോത്സാഹിപ്പിക്കുക തുടങ്ങിയ ഈ നിയമവിരുദ്ധ പ്രവർത്തനങ്ങളും അവ സമൂഹത്തിന് വരുത്തുന്ന ദോഷങ്ങളും തടയാൻ ലക്ഷ്യമിടുന്ന അന്താരാഷ്ട്ര മാനദണ്ഡങ്ങൾ എഫ്‌എ‌ടി‌എഫിൽ ഉൾപ്പെടുന്നത്. നയരൂപീകരണ സമിതിയെന്ന നിലയിൽ, ഈ മേഖലകളിൽ ദേശീയ നിയമനിർമ്മാണ, നിയന്ത്രണ പരിഷ്കാരങ്ങൾ കൊണ്ടുവരുന്നതിന് ആവശ്യമായ രാഷ്ട്രീയ ഇച്ഛാശക്തി സൃഷ്ടിക്കാൻ എഫ്എടിഎഫ് പ്രവർത്തിക്കുന്നു.
സംഘടിത കുറ്റകൃത്യങ്ങൾ, അഴിമതി, ഭീകരവാദം എന്നിവ തടയുന്നതിന് ആഗോള ശുപാർശകൾ അല്ലെങ്കിൽ മാനദണ്ഡങ്ങൾ എഫ്എടിഎഫ് വികസിപ്പിച്ചെടുത്തിട്ടുണ്ട്. മയക്കുമരുന്ന്, മനുഷ്യക്കടത്ത്, മറ്റ് കുറ്റകൃത്യങ്ങൾ എന്നിവയിൽ ഏർപ്പെടുന്ന കുറ്റവാളികളുടെ പണമിടപാടുകൾ നിരീക്ഷിക്കുന്നതിന് സംഘടന ബന്ധപ്പെട്ട അധികാരികളെ സഹായിക്കുന്നു.
കള്ളപ്പണം വെളുപ്പിക്കൽ, തീവ്രവാദ ധനസഹായം എന്നിവ അവലോകനം ചെയ്യുന്നതിനും വെർച്വൽ ആസ്തികളുടെ നിയന്ത്രണം പോലുള്ള പുതിയ അപകടസാധ്യതകൾ പരിഹരിക്കുന്നതിനുമായി എഫ്എടിഎഫ് അതിന്‍റെ മാനദണ്ഡങ്ങൾ നിരന്തരം ശക്തിപ്പെടുത്തുകയും ചെയ്യുന്നു. മാനദണ്ഡങ്ങൾ പൂർണമായും ഫലപ്രദമായും നടപ്പാക്കുന്നുവെന്ന് ഉറപ്പാക്കുന്നതിന് എഫ്എടിഎഫ് രാജ്യങ്ങളെ നിരീക്ഷിക്കുകയും അത് പാലിക്കാത്ത രാജ്യങ്ങൾക്കെതിരെ നടപടി സ്വീകരിക്കുകയും ചെയ്യുന്നു.
യുഎൻ‌എസ്‌സി താലിബാൻ ഉപരോധ സമിതിയാണ് താലിബാൻ, അവരുമായി ബന്ധപ്പെട്ട സ്ഥാപനങ്ങൾ, വ്യക്തികൾ എന്നിവയ്‌ക്കെതിരായ ഉപരോധം കൈകാര്യം ചെയ്യുന്നത്. സമിതിയുടെ ഏതൊരു തീരുമാനവും, പാകിസ്ഥാൻ ഉൾപ്പെടെയുള്ള എല്ലാ സംസ്ഥാനങ്ങളും നടപ്പാക്കുന്നു, അതിൽ ആസ്തി മരവിപ്പിക്കൽ, ആയുധ നിരോധനം, യാത്രാ നിരോധനം എന്നിവ ഉൾപ്പെടുന്നു. താലിബാൻ ഉപരോധ സമിതി അടുത്തിടെ ഉപരോധ പട്ടികയിൽ മാറ്റങ്ങളൊന്നും പ്രഖ്യാപിച്ചിട്ടില്ല.
