കൊവിഡ്-19 ലോകത്തെ തകിടം മറിച്ചിരിക്കുകയാണ്. രാജ്യാതിർത്തികളിലെ നിയന്ത്രണങ്ങള്‍ കാരണം രാജ്യങ്ങൾ പരസ്പരം വിച്ഛേദിക്കപ്പെട്ടിരിക്കുകയാണ്. കുടുങ്ങിയ പൗരന്മാരെയോ ചില പ്രത്യേക വിഭാഗങ്ങളെയോ മാത്രമേ സ്വദേശത്തേക്ക് കൊണ്ടുപോകാന്‍ കഴിഞ്ഞുള്ളൂ. ലോക സമ്പദ്‌വ്യവസ്ഥ മാന്ദ്യത്തിലാണ്, വ്യവസായം അടച്ചുപൂട്ടുന്നു, രാജ്യങ്ങൾ പൂട്ടിയിരിക്കുകയാണ്. യാത്രയും ടൂറിസവും ലോകത്ത് എല്ലായിടത്തും നിശ്ചലമാണ്. വിമാനക്കമ്പനികളും മറ്റ് ചരക്ക് നീക്ക വ്യവസായങ്ങളും സാമ്പത്തിക ജാമ്യവ്യവസ്ഥകള്‍ തേടിക്കൊണ്ടിരിക്കുകയാണ്. പൗരന്മാരുടെ ആരോഗ്യ പരിരക്ഷയും, വ്യവസായത്തിൻ്റെയും സമ്പദ്‌വ്യവസ്ഥയുടെയും നിലവിലെ അവസ്ഥയാണ് ലോകനേതാക്കളുടെ പ്രധാന ആശങ്കകൾ.
ഈ ഭയാനകമായ സാഹചര്യത്തിൽ, യാത്ര, ടൂറിസം, കുടിയേറ്റം എന്നിവക്കായി മറ്റ് രാജ്യങ്ങളിലേക്ക് ആളുകളുടെ സ്വതന്ത്രമായ നീക്കത്തെ ബാധിച്ചേക്കാവുന്ന ചില നിയന്ത്രിത നടപടികൾ രാജ്യങ്ങള്‍ സ്വീകരിച്ചു വരുകയാണ്. കൊവിഡ്-19 മൂലം ആവശ്യമായി വരുന്ന സാമ്പത്തിക വീണ്ടെടുക്കലിനിടെ യുഎസ് തൊഴില്‍ മാർക്കറ്റിന് ഭീഷണി ആയേക്കാവുന്ന കുടിയേറ്റക്കാരുടെ ഇമ്മിഗ്രേഷന്‍ റദ്ദാക്കുന്ന പ്രഖ്യാപനം യുഎസ് പ്രസിഡൻ്റ് ഡൊണാള്‍ഡ് ട്രംപ് ഏപ്രിൽ 22ന് ഒപ്പിട്ടു. അമേരിക്കൻ തൊഴില്‍ മാര്‍ക്കറ്റില്‍ വിദേശ തൊഴിലാളികളിൽ ചെലുത്തുന്ന സ്വാധീനത്തെക്കുറിച്ച് യുഎസ് കൂടുതല്‍ ജാഗരൂഗരാവുകയാണ് . പ്രത്യേകിച്ചും ഉയർന്ന ആഭ്യന്തര തൊഴിലില്ലായ്മയും തൊഴിൽ ആവശ്യകതയും നിലനില്‍ക്കുന്ന സാഹചര്യത്തില്‍. ഇതിനകം തന്നെ നിരാലംബരും തൊഴിൽരഹിതരുമായ അമേരിക്കക്കാരെ നിയമപരമായ വിദേശ തൊഴിലാളികളില്‍ നിന്നും, വിരളമായ ജോലികൾക്കായുള്ള മത്സര ഭീഷണിയിൽ നിന്നും സംരക്ഷിക്കാൻ മറ്റ് ഒരു മാർഗവുമില്ല. കൊവിഡ് 19ല്‍ നിന്ന് കരകയറാൻ നിലവിലുള്ള കുടിയേറ്റ വിസ പ്രോസസ്സിംഗ് പരിരക്ഷകൾ അപര്യാപ്തമാണ്. മാത്രമല്ല, അമേരിക്കയുടെ ആരോഗ്യ പരിരക്ഷാ വിഭവങ്ങൾ പരിമിതമാകുമ്പോൾ അധിക താമസക്കാര്‍ അമേരിക്കയിലെ ഇപ്പോഴത്തെ ആരോഗ്യസംരക്ഷണ സംവിധാനത്തിന് അധിക ഭാരമായി മാറും. മേൽപ്പറഞ്ഞവയുടെ വെളിച്ചത്തിൽ, അടുത്ത 60 ദിവസത്തിനുള്ളിൽ കുടിയേറ്റക്കാരുടെ പ്രവേശനം അമേരിക്കയുടെ താൽപ്പര്യങ്ങൾക്ക് ഹാനികരമാണെന്ന് യുഎസ് നിർണയിച്ചു.
താൽക്കാലികമായി നിർത്തിവച്ച യുഎസ് വിസകൾ പുനരുജ്ജീവിപ്പിക്കാൻ കൂടുതൽ സമയമെടുക്കും. 2015-16 ലെ പ്രസിഡൻ്റ് ട്രംപിൻ്റെ തിരഞ്ഞെടുപ്പ് പ്രസംഗങ്ങളും “അമേരിക്ക ആദ്യം” എന്ന മുദ്രാവാക്യവും ഈ നടപടികളിലൂടെ വീണ്ടും പ്രസക്തി ആര്‍ജിക്കുകയാണ്. തീവ്രമായ രാഷ്ട്രീയ വലതുപക്ഷക്കാർ യൂറോപ്യൻ രാജ്യങ്ങളിൽ സമാനമായ കുടിയേറ്റ വിരുദ്ധ നിലപാടുകള്‍ സ്വീകരിക്കുന്നത് വളരെ സാധാരണമായി മാറുന്ന കാഴ്ചയാണ്. ഹ്രസ്വകാലത്തേക്ക് രാഷ്ട്രീയമായി പ്രയോജനമുണ്ടെങ്കിൽ പോലും ഇത് ഒരു അപകടകരമായ പ്രവണതയാണ്.
30 ദശലക്ഷത്തിലധികം വരുന്ന പ്രവാസികളാണ് ഇന്ത്യയിലുള്ളത്. അവരില്‍ പലരും പടിഞ്ഞാറൻ രാജ്യങ്ങളിലെ ഏറ്റവും വലിയ മൾട്ടി നാഷണൽ കോർപ്പറേഷനുകളുടെ തലവന്‍മാരാണ്. ശാസ്ത്രം, വൈദ്യം, വ്യവസായം, കൃഷി, സംരംഭം എന്നിവയിലും അവർ മികച്ച പ്രകടനം കാഴ്ചവച്ചിട്ടുണ്ട്. സിലിക്കൺ വാലിയിൽ ഇന്ത്യൻ സോഫ്റ്റ്‌വെയർ പ്രൊഫഷണലുകളും കമ്പനികളും നല്ല നിലവാരം പുലര്‍ത്തുകയും, യുഎസിൻ്റെ ഏറ്റവും നൂതന വിജ്ഞാന സമ്പദ്‌വ്യവസ്ഥയായി മാറ്റുന്നതില്‍ പങ്കാളികള്‍ ആകുകയും ചെയ്തു. എച്ച്1ബി പ്രൊഫഷണൽ വിസകളുടെ ഏറ്റവും വലിയ അവകാശവാദികളാണ് അവർ. ഫെബ്രുവരിയിൽ ഹൂസ്റ്റനില്‍ നടന്ന പ്രസിദ്ധമായ “ഹൗഡി മോഡി” പരിപാടിയിലും അതിനു ശേഷം നടന്ന ഇന്ത്യന്‍ സന്ദര്‍ശന വേലയിലും പ്രസിഡൻ്റ് ഡൊണാള്‍ഡ് ട്രംപ് യു‌എസിലെ 40 ലക്ഷത്തോളം വരുന്ന ഇന്ത്യന്‍വംശജരെ വാനോളം ഉയര്‍ത്തി ആണ് സംസാരിച്ചത്.
അതുപോലെ, പശ്ചിമേഷ്യയിൽ ഒമ്പത് ദശലക്ഷം ഇന്ത്യക്കാർ പ്രത്യേകിച്ചും എണ്ണ സമ്പന്നമായ ഗൾഫ് സമ്പദ്‌വ്യവസ്ഥയുടെ അസാധാരണമായ വികസനത്തിൻ്റെ അവിഭാജ്യ ഘടകമാണ്. ഉയർന്ന നിലവാരമുള്ള പ്രൊഫഷണലുകൾ, ബാങ്കർമാർ, സംരംഭകർ, നഴ്‌സുമാർ ഉൾപ്പെടെയുള്ള മെഡിക്കൽ പ്രൊഫഷണലുകൾ, പാരാ മെഡിക് സ്റ്റാഫ്, ബ്ലൂ കോളർ തൊഴിലാളികൾ എന്നിവരടങ്ങുന്നതാണ് ആ ജനസംഖ്യ. അവരുടെ ജോലി ചെയ്യാനുള്ള ആര്‍ജ്ജവം, അച്ചടക്കം എന്നിവയെ ലോകം തന്നെ മാനിക്കുന്നുണ്ട്. പ്രതിവർഷം 40-50 ബില്യൺ യുഎസ് ഡോളർ പണമയയ്ക്കുന്നതിലൂടെ അവർ ഇന്ത്യൻ സമ്പദ്‌വ്യവസ്ഥയെ സഹായിച്ചിട്ടുണ്ട്. എന്നിരുന്നാലും, കുറഞ്ഞ ക്രൂഡ് ഓയിൽ വില അടുത്ത കാലത്തായി തൊഴിൽ, പണമക്കൽ എന്നിവയിൽ സ്വാധീനം ചെലുത്തി.
മാരകമായ കൊറോണ വൈറസിൻ്റെ പശ്ചാത്തലത്തില്‍ ഇന്ത്യയിലേക്കുള്ള വിദേശ പണമയക്കൽ 23 ശതമാനം കുറഞ്ഞ് 83 ബില്യൺ യുഎസ് ഡോളറിൽ നിന്ന് ഈ വർഷം 64 ബില്യൺ ഡോളറായി കുറയുമെന്ന് ലോകബാങ്ക് കണക്കാക്കുന്നു. കുടിയേറ്റ തൊഴിലാളികളുടെ വേതനം കുറയുന്നതാണ് ഇതിന് പ്രധാനമായും കാരണം. കൂടാതെ, വിദേശത്ത് വ്യാസായം ആരംഭിക്കുന്ന വ്യവസായികൾക്കും സംരംഭകർക്കും രാജ്യത്തിൻ്റെ പിന്തുണയില്ലാതെ അവരുടെ ബാലൻസ് ഷീറ്റുകൾ നിലനിര്‍ത്താന്‍ പ്രയാസമാകും.
ആയിരക്കണക്കിന് പൗരന്മാരെയും മറ്റ് രാജ്യങ്ങളിലെ കൊവിഡ് മേഖലകളിൽ നിന്നും ആദ്യ ഒഴിപ്പിച്ചത് ഇന്ത്യൻ സർക്കാർ ആണ്. കൊവിഡ്-19ൻ്റെ പശ്ചാത്തലത്തില്‍ ലോകത്തോട് ഐക്യദാര്‍ഢ്യം പ്രകടിപ്പിക്കുന്നത്തിന് പ്രധാനമന്ത്രി നരേന്ദ്ര മോഡി അയൽക്കാരുമായും ജി20 ഉൾപ്പെടെ നിരവധി ലോകനേതാക്കളുമായും ഡിജിറ്റൽ ഉഭയകക്ഷി നയശ്രമം ആരംഭിച്ചു. ഇന്ത്യൻ പൗരന്മാരുടെ ക്ഷേമം ഉറപ്പുവരുത്തുന്നതിനായി അദ്ദേഹം രാഷ്ട്രത്തലവന്മാരുമായും, സർക്കാരുകളുമായും, വലിയ ഇന്ത്യൻ പ്രവാസികളുമായും നിരന്തരം സംസാരിച്ചു. കൊവിഡ്-19 അവസാനിക്കുന്നതോടെ സർക്കാർ ഇടപെടലുകളും വർദ്ധിപ്പിക്കും. എന്നാൽ ഇത് അതിർത്തി, ഇമിഗ്രേഷൻ നിയന്ത്രണങ്ങൾക്കും പ്രത്യേകിച്ചും വികസിത രാജ്യങ്ങളിൽ കൂടുതൽ നിയന്ത്രണങ്ങളിലേക്ക് നയിച്ചേക്കാം. ചലനത്തിനുള്ള നിയന്ത്രണങ്ങൾ നിർഭാഗ്യകരമാണ്.
-അനിൽ ത്രിഗുണയത്ത്
