ഛത്തീസ്ഗഡിലുണ്ടായ ഏറ്റുമുട്ടലിൽ രണ്ട് മാവോയിസ്റ്റ് കൊല്ലപ്പെട്ടു

സുക്മ ജില്ലയിലുണ്ടായ ഏറ്റുമുട്ടലിലാണ് മാവോയിസ്റ്റുകൾ കൊല്ലപ്പെട്ടത്.

റായ്പൂർ: സുക്മ ജില്ലയിൽ സുരക്ഷാ സേനയും മാവോയിസ്റ്റുമായുണ്ടായ ഏറ്റുമുട്ടലിൽ രണ്ട് മാവോയിസ്റ്റുകൾ കൊല്ലപ്പെട്ടു. ജില്ലാ റിസർവ് ഗാർഡ് ഉദ്യോഗസ്ഥരും മാവോയിസ്റ്റും തമ്മിലുണ്ടായ ഏറ്റുമുട്ടലിലാണ് മാവോയിസ്റ്റുകൾ കൊല്ലപ്പെട്ടത്. ഏറ്റുമുട്ടൽ നടന്ന സ്ഥലത്ത് നിന്ന് രണ്ട് മൃതദേഹങ്ങൾ പൊലീസ് കണ്ടെടുത്തു. പിസ്റ്റൾ, വലിയ അളവിൽ സ്ഫോടകവസ്തുക്കൾ തുടങ്ങിയവയും പൊലീസ് കണ്ടെടുത്തിട്ടുണ്ടെന്ന് ബസ്തർ ഐ.ജി പി സുന്ദർരാജ് പറഞ്ഞു. അതേ സമയം മോർപാലിയിൽ ഉണ്ടായ സ്ഫോടനത്തിൽ എസ്ടിഎഫ് ജവാൻ മഹേഷ് നേതത്തിന് പരിക്കേറ്റു.