ന്യൂഡൽഹി: പാകിസ്ഥാനിൽ നിന്നും ഇന്ത്യയിലേക്ക് നുഴഞ്ഞു കയറാൻ ശ്രമിച്ചയാളെ ബിഎസ്എഫ് വെടിവെച്ചു കൊലപ്പെടുത്തി. ഗുജറാത്തിനും രാജസ്ഥാനും ഇടയിലുള്ള അന്താരാഷ്‌ട്ര അതിർത്തിയിലൂടെയാണ് ഇയാൾ നുഴഞ്ഞു കയറാൻ ശ്രമിച്ചത്. ഓഗസ്റ്റ് ഏഴിനും എട്ടിനും ഇടയിലുള്ള രാത്രിയാണ് സംഭവം നടന്നതെന്ന് അധികൃതർ അറിയിച്ചു.
സ്വാതന്ത്ര്യ ദിനത്തോട് അനുബന്ധിച്ച് സേന അതീവ ജാഗ്രതയിലാണുള്ളത്. പകൽ സമയത്തും പാകിസ്ഥാന്‍റെ ഭാഗത്ത് നിന്നും സമാനമായ ശ്രമങ്ങൾ നടന്നെന്നും എന്നാൽ ബിഎസ്എഫ് ശ്രമം പരാജയപ്പെടുത്തിയെന്നും അധികൃതർ പറഞ്ഞു. ഈ പ്രദേശത്ത് രാത്രിയിൽ നുഴഞ്ഞുകയറ്റ ശ്രമം നടക്കുന്നത് ഇതാദ്യമാണെന്നും അധികൃതർ കൂട്ടിച്ചേർത്തു
