നിരവധി അഭ്യൂഹങ്ങള്‍ക്ക് വിരാമമിട്ട് കൊണ്ട് അലഹബാദ് എംപിയും ബിജെപി നേതാവുമായ ശ്യാമ ചരണ്‍ ഗുപ്തയാണ് സമാജ് വാദി പാര്‍ട്ടി അംഗത്വം സ്വീകരിച്ചത്. ബിജെപി സീറ്റ് നിഷേധിച്ചതിനെത്തുടര്‍ന്നാണ് ശ്യാമ ചരണ്‍ ഗുപ്തയുടെ സമാജ് വാദി പാര്‍ട്ടിയിലേക്കുള്ള രാഷ്ട്രീയനീക്കം.
ആത്മാര്‍ഥതയ്ക്ക് ബിജെപിയില്‍ യാതൊരു വിലയില്ലെന്ന് അനുഭവത്തില്‍ നിന്ന് ബോധ്യപ്പെട്ടതായി ശ്യാമ ചരണ്‍ ഗുപ്ത കഴിഞ്ഞ ദിവസം പറഞ്ഞിരുന്നു. പ്രവര്‍ത്തനമികവും നിസ്വാര്‍ഥസേവനവും കാഴ്ച്ചവച്ചിട്ടും പാര്‍ട്ടി നേതൃത്വം തന്റെ ആത്മാര്‍ഥത മനസ്സിലാക്കുന്നതില്‍ പരാജയപ്പെട്ടെന്നും അദ്ദേഹം ആരോപിച്ചു.
തനിക്ക് സീറ്റ് നിഷേധിച്ചതിന് പുറമേ മകന് മത്സരിക്കാന്‍ അവസരം നല്‍കണമെന്ന ആവശ്യവും പാര്‍ട്ടി നിരാകരിച്ചതാണ് ശ്യാമല ചരണ്‍ ഗുപ്തയെ ബിജെപി വിടാന്‍ പ്രേരിപ്പിച്ചത്. എസ്പി സ്ഥാനാര്‍ഥിയായി ബാന്ദ്ര മണ്ഡലത്തില്‍ നിന്ന് ലോക്‌സഭയിലേക്ക് ശ്യാമ ചരണ്‍ ഗുപ്ത മത്സരിക്കുമെന്നും റിപ്പോര്‍ട്ട്.
